Minik Rosing nunani avannarlerni ataqqinaammik nersornaaserneqartoq

Professori Minik Rosing Issittumi ujarassiuutut immikkut ittumik suliaqarnera pillugu Lätterstedts Nordiska Förtjänstmedaljemik 2026-mi nersornaaserneqarpoq.

Minik Rosingip nersornaat ukiaru tigussavaa.

Assi: Les Kaner

Hanna Hviid Hanna Hviid Tusagassiortoq

Saqqummersinneqarpoq 30. Juuni 2026 - 12:57

Kalaaleq ujarassiooq Minik Rosing suliani pillugu nunani avannarlerni nersornaasiuttakkamik ukioq manna tunineqarpoq.

Nersornaat Sverigemiittumi Kulturfonden Letterstedtska Föreningenimit, nunani avannarlerni tamani immikkoortortaqarfilimmit ukiumullu nunani avannarlerni nersortarialimmik, nersornaasiuttagaavoq.

Ukioq mannalu nersornaat Minik Rosingimut, Københavnip Universitetiani professoriusumut, tunniunneqarpoq.

Ussassaarut

Letterstedtska Foreningen tusagassiuutitigut nalunaarpoq.

Nunat Avannarliit Nersornaasiuttagaannik toqqaasartut nersornaammik tunniussinerminni uku tunngavilersuutigaat:

"Professor Minik Rosing, Kalaallit Nunaat, ujarassiuutut Issittumi misissuinermini suliai asseqanngitsut pillugit Lätterstedtip Nordisk Fortjentskabsmedaljeanik 2026-mi nersornaaserneqarpoq."

Ukiaru nersornaasiisoqassaaq.

Letterstedtska Kulturfonden, nunani avannarlerni kulturikkut ilisimatusarnermillu suliniutit tapersersorniarlugit aamma nunani avannarlerni suleqatigiinneq nakussatsinniarlugu, 1875-imi pilersinneqarnikuuvoq.