Naalakkersuisoqarfimmi pisortaq soraarpoq — forstanderitut atorfinissaaq

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi pisortaq Nuka Kleemann atorfimminit pingasunngornermi tunuarpoq.

Tamanna Naalakkersuisut tusagassiuutinut nalunaarummi allapput.

Nuka Kleemann naalakkersuisoqarfimmi juunimi 2023-miilli pisortatut atorfeqarpoq, naalakkersuisup Nivi Olsenip (D) Nuka Kleemannip nutaanik unammilligassaqarnissamik kissaateqarnera akueraa.

Nuka Kleemann Campus Kujallermi novembarip aallaqqaataani forstanderinngussaaq.

Nivi Olsenip iliuuseqarnera pillugu ima qutsavigaa:

– Nuka Kleemann naalakkersuisoqarfimmi pisortatut tunniusimalluarluni annertuumillu naleqarluartumillu suliaqarsimaneranut qutsavigerusuppara, Nivi Olsen oqarpoq nangillunilu:

- Akisussaaffitta ineriartortinneqarneranni annertuumik ilisimasaqarluni, misilittagaqarluni tunniusimallunilu suleqataasimavoq. Nuannaarutigaara Naalakkersuisoqarfiup susassaqarfiisa iluanni sulinini ingerlatiinnassammagu. Campus Kujallermi forstanderitut sulilluarnissaanik kissaappara, Naalakkersuisoq Nivi Olsen oqarpoq.

Nuka Kleemann naalakkersuisoqarfimmi 2023-mi pisortanngortinnani, Kalaallit Nunaanni Timersoqatigiit Kattuffianni ukiuni 20-ni siulittaasuuvoq.

Pisortap tullia Karl Davidsen pisortaanerulerallassaaq