USA-mik isumaqatigiissut qassinut atsiorneqassanersoq Naalakkersuisut ilisimatitsissutigaat

Naalakkersuisut siulittaasuata USA-mik isumaqatigiissut marlunngornermi nunatta nalunaaqutaa malillugu nal. 13.30 atsiortussaavaa.

Múte B. Egede aamma Jens-Frederik Nielsen New Yorkimut sapaatiummat tikipput.

Assi: Oscar Scott Carl

Thomas Munk Veirum Thomas Munk Veirum Tusagassiortoq

Saqqummersinneqarpoq 21. Septembari 2026 - 16:02

Ussassaarut

Naalakkersuisut tallimanngornermi unnukkut nalunaarput, USA Danmarkilu isumaqatigiissummik atsioqatiginissaat sapaatip-akunnerata ingerlanerani naatsorsuutigineqartoq.

Naalakkersuisut Facebookiminni maanna uppernarsaapput USA-mik isumaqatigiissut Naalakkersuisut siulittaasuata Jens-Frederik Nielsenip (D) marlunngornermi nunatta nallunaaqutaa malillugu nal. 13.30 atsiussagaa.

Oqaatigineqarportaaq ministeriuneq Mette Frederiksen, Naalakkersuisut siulittaasuat Jens-Frederik Nielsen USA-llu præsidentia Donald Trump isumaqatigiissut atsiorniarlugu naapikkumaartut.

- Atsioqatigiinneq piffissami unammillernartumi pivoq, innuttaasut amerlasuut ernumallutik ukiuni kingullerni pisut malinnaavigisimavaat. Atsioqatigiinnissarput qilanaaraara, soqutigisagut, illersorneqarnerput kiisalu Nunatta ataqqineqarluni pineqarnissaa qitiutillugu alloriarfigisussanngoratsigu, Jens-Frederik Nielsen Facebookimi allappoq.

FN-ip ataatsimeersuarneranut atatillugu atsioqatigiinnerit pissapput.