USA-p præsidentiata Donald Trumpip isumaqatigiissut nutaaq Issittumi Atlantikullu avannaani isumannaallisaanermik nukittorsaasussaq marlunngornermi atsiussagaa naatsorsuutigineqarpoq. Præsidentip saniatigut aamma Naalakkersuisut siulittaasuat Jens-Frederik Nielsen ministeriunerlu Mette Frederiksen isumaqatigiissummi atsiussapput, tamannalu FN-ip New Yorkimi ataatsimeersuarnerani pissaaq. Amerikamiut ukiuni arfineq-marlunni Kalaallit Nunaannut tatisinerat taamaalilluni atsioqatigiissitsinikut naammassineqassaaq.
Pisinissamut neqeroorut
USA-p præsidentiata Donald Trumpip isumaqatigiissut nutaaq Issittumi Atlantikullu avannaani isumannaallisaanermik nukittorsaasussaq marlunngornermi atsiussagaa naatsorsuutigineqarpoq. Præsidentip saniatigut aamma Naalakkersuisut siulittaasuat Jens-Frederik Nielsen ministeriunerlu Mette Frederiksen isumaqatigiissummi atsiussapput, tamannalu FN-ip New Yorkimi ataatsimeersuarnerani pissaaq. Amerikamiut ukiuni arfineq-marlunni Kalaallit Nunaannut tatisinerat taamaalilluni atsioqatigiissitsinikut naammassineqassaaq.
Pisinissamut neqeroorut Præsident Trumpip siullermeertumik præsidentitut qinigaaffimmini nuliani Melania Trump peqatigalugu pisortatigoortumik Danmarkimut tikeraassalluni, tassungalu atatillugu Kalaallit Nunaata pisiarineqarsinnaanera soqutigigini, 2019-imi aggustimi nalunaarutigaa.
Tamanna Naalakkersuisut siulittaasuannit Kim Kielsenimit ilumuunnginnerarneqarpoq, taassumalu Kalaallit Nunaat tuniniagaanngitsoq erseqqissumik oqaatigaa. Amerikamiut nalunaarutaat ministeriunerup Mette Frederiksenip "oqallinnertut quianaannartutut" taavai, tamannalu pissutigalugu præsidentip Danmarkimut tikeraarnissani piffissaligaanngitsumik kinguartippaa.
Konsuleqarfik ammaqqinneqartoq
Aappaaguani 2020-mi juunimi USA-p Danmarkimi Kalaallit Nunaannilu isumaqatiginninniareerluni Nuummi konsulateqarfini ukiuni 67-ini matoqqareersoq ammaqqippaa.
Taamanikkut patajaatsuuneq piujuartitsinerlu qulakkeerniarlugit Nuummiinnikkut Issittumi suleqatit suleqatigiinneri nukittorsarneqartut nunanut allanut ministeri Mike Pompeo tamatumunnga atatillugu oqarpoq . Sung Choi Nuummi konsulitut toqqarneqarlunilu Carla Sands Joe Bidenip Demokraatineersup 2021-mi præsidentinngornissaa tikillugu Danmarkimi aallartitatut atorfinippoq.
Trump Jr. Nuummiittoq Donald Trumpip 2025-mi januaarip 20-anni præsidentitut aappassaanik ivertinneqarnissani pillugu uppernarsaaneq suli sioqqullugu Kalaallit Nunaata tigunissaanik anguniagaqarnini oqaatigaa.
Nunarsuarmi isumannaallisaanissaq eqqarsaatigalugu Amerikamiut Kalaallit Nunaannik nakkutilliinissaat pisariaqarluinnartoq præsidenti inuit attaveqaqatigiittarfianni Truth Social-imi 2024-mi decembarip 22-anni allassimavoq.
Ullut 14-it qaangiuttut Trumpip timmisartua ernera Donald Trump Jr. ikinngutaalu sunniuteqarluartoq Charlie Kirk ilaasoralugit Nuummut mippoq. Taakku marluk namminneq oqarnertik naapertorlugu Nuummi takornariaapput, aqqutaanili teqqiallit Trumpip oqariartuutaanik “Make America Great Again”-imik allassimasullit agguaallugillu sanioqquttut neriniartarfimmi qanoq pisoqarsimanera pisortatigoortumik oqaaseqarfigissanngippassuk akeqanngitsumik ulloqeqqasioqatiginissaannut qaaqquaat.
Donald Trump Jr.-ip ikinngutini, talerperliuniatut isumalik sunniuteqartartoq podcastimillu aallakaatitsisartoq Charlie Kirk peqatigalugu Nuuk 2025-mi januaarip 7-ani tikeraarpaa.
Assi: Emil Stach
Akerliussutsimik takutitsinerit Trump Jr.-ip Nuummut tikeraarnerani USA-p præsidentia Kalaallit Nunaat aqunniarniarlugu sakkutooqarnikkut aningaasatigullu pinngitsaaliilluni iliuuseqarsinnaalluni Floridami tusagassiortunik katersortitsinermi oqarpoq.
Tamanna pissutigalugu naalakkersuisut siulittaasuat Múte B. Egede ministeriuneq Mette Frederiksen peqatigalugu Københavnimi januaarip qulingani tusagassiortunik katersortitsinermi ima oqarpoq: “Qallunaajorusunngilagut. Amerikamioorusunngilagut. Kalaaliorusuppugut.”
USA kalaallit pisuunngortinniarlugit Kalaallit Nunaanni dollarinik milliardilinnik aningaasaliinissamut piareersimasoq Trump Inatsisartunut marsip 11-ani qinersinissaq aqaguttoq inuit attaveqaqatigiittarfianni Truth Socialimi allaqqippoq. Tamanna pissutigalugu inuppassuit akerliussutsimik takutitsipput, Trumpillu Kalaallit Nunaata ilanngunnissaanik aqutsilernissaanillu oqaaseqarneranut akerliulluni marsip 15-ani siullermeersumik akerliussutsimik takutitsisoqarpoq.
Pituffimmut tikeraarneq Tamatuma kinguninngua USA-p præsidentiata tullia J.D. Vance nulianilu Usha Vance Avannaata Qimussersua isiginnaarniarlugu Nuummut Sisimiunullu tikeraarniarlutik nalunaarput. Tikeraarnissaalli Naalakkersuisut suli inissinnginnerat, kiisalu akerliussutsimik takutitsinissat nutaat nalunaarutigineqarnerat ilaatigut pissutigalugit isornartorsiuingaatsiartoqareersoq taamaatinneqarpoq.
Præsidentip tullia taarsiullugu nukissiuteqarnermut ministeri Chris Wright peqatigalugu ullormi tassani Naalakkersuisut nutaat Jens-Frederik Nielsenip (D) siuttuuffigisai Nuummi 2025-mi marsip 28-ani saqqummiunneqarneranni Pituffik Space Basemut tikeraarpoq.
USA-p vicepræsidentiata J.D. Vancep (talerperliup) nukissiornermut ministeri Chris Wright peqatigalugu Pituffik tikeraarpaa, taakkualu ilaatigut Kalaallit Nunaanni aatsitassat Amerikamiullu tamakkuninnga atuinissamut periarfissaat eqqartorpaat.
Assi: Jim Watson/Scanpix
Frankrigip præsidentia Nuummiittoq Frankrigip præsidentia Emmanuel Macron Kalaallit Nunaannut 2025-mi juunimi tikeraarpoq, tassanilu “Kalaallit Nunaat tiguarneqarsinnaanngitsoq” aamma “Frankrig ullumikkut siunissamilu Kalaallit Nunaannut Kunngeqarfimmullu tapersersuisoq” ilaatigut oqarpoq.
Illersornissaqarfik nunat NATO-mut ilaasortat allat aamma peqataatillugit sungiusarluni qaammatini tulliuttuninunami sumiiffinni arlalinni immikkut ittumik suliaqarpoq.
Kalaallit Nunaannut immikkut aallartitaq
Frankrigip præsidentia Emmanuel Macron 2025-mi juunimi Kalaallit Nunaannut tikeraarpoq, Kalaallit Nunaatalu nammineersinnaanera tapersersorlugu tassunga atatillugu oqaatigaa.
Assi: Oscar Scott Carl
Præsidentip Naalagaaffimmi Louisiana guvernøri Jeff Landry Kalaallit Nunaannut immikkut aallartitatut toqqarsimagaa 2025-mi decembarip 22-ani inuit nittartakkatigut naapeqatigiittarfianni Truth Socialimi saqqummerpoq.
Jeff Landry "Kalaallit Nunaata USA-mut ilaalernissaanut sulissutiginissaanut toqqarneqarnini ataqqinaatigalugu," nammineerluni X-imi allappoq.
Piffissami tassani USA-p Danmarkimi aallartitaa Kenneth Howery Nuummeeqqammerpoq, tassanilu Kalaallit Nunaannut immikkut aallartitaqarnissaq eqqaaneqanngilaq. "Tamanna tatiginninnermik takutitsinerunngitsoq" taamani Nunanut Allanut Naalakkersuisoq Vivian Motzfeldt oqarpoq .
Taamanikkut naalakkersuisunut ilaasortaq Vivian Motzfeldt, USA-p siulittaasuata tullia J.D. Vance aammalu nunanut allanut ministeri Marco Rubio Washingtonimi 14. januar 2026 ataatsimiereersorlutik nunanut allanut ministeri Lars Løkke Rasmussen peqatigalugu. Ataatsimiinnermi isumaqatigiissutigaat USA-meersut, Kalaallit Nunaanniit Danmarkimiillu aallartitaqartumik suleqatigiinnik ataatsimoortumik aaqqiissutissarsiornermik ingerlaqqittussamik pilersitsisoqassasoq.
Foto: Oscar Scott Carl
Washingtonimi ataatsimiinneq USA aqqutit eqqortut atorlugit maanna oqaloqatiginiarneqartoq Jens Frederik Nielsen januaari aallartittoq tusagasssiortunik katersortitsinermi oqarpoq, taamaalillunilu USA, Kalaallit Nunaata Danmarkillu ataatsimiinnissaat januaarip 14-iani ingerlanneqassasoq USA-p nunanut allanut ministeria 2026-mi januaarip arfineq-aappaani nalunaarpoq.
Vivian Motzfeldt Kalaallit Nunaannit peqataavoq, nunanullu allanut ministeri Lars Løkke Danmark sinnerlugu peqataavoq. Tamatuma saniatigut Amerikami præsidentip tullia J.D. Vance ataatsimiinnermi, illuatungaani USA-p Kalaallit Nunaanni soqutigisai akueriniarlugit illuatungaanilu Kunngeqarfiup namminiussuseqarlutik kiffaanngissuseqarnerat kiisalu tunngaviusumik nunat killiginik ataqqinninnerat kalaallillu namminneq aalajangiisinnaassuseqarnerat pillugu atorfilittanik suleqatigiissitanik isumaqatiginninniartussanik pilersitsinermik kinguneqartumi peqataavoq.
Naalakkersuisoqarfimmi pisortaq Mininnguaq Kleist Kalaallit Nunaatalu Sinniisoqarfiani pisortaq Jacob Isbosethsen suleqatigiissitani ilaatigut peqataapput. Suleqatigiissitat arlaleriarlutik naapissimanerarneqarput,suliallu taakku tunngavigalugit maanna ataatsimut isumaqatigiissummik atsiortoqartussanngorpoq.
USA-p Danmarkimi aallartitaa Kenneth Howery maajimi Nuummi konsulati nutaaq tikeraarneqarpoq. Tikeraarnerup nalaani USA akerliarlugu takutitsineq aaqqissuussaavoq.
Foto: Oscar Scott Carl
Umiarsuaq napparsimmavik Landryllu tikeraarnera Suliniaqatigiiffiup ataatsimiinnerisa saniatigut præsident Trump True Socialimi Kalaallit Nunaat pillugu assigiinngitsunik allaaserisaqarpoq, ilaatigut umiarsuaq napparsimmavik „inunnut napparsimasorpassuarnut isumagineqarsimanngitsunut“ ikiorsiiartorluni Kalaallit Nunaannut ingerlaartoq 2026-mi februaarimi nalunaarutigaa. Assi "Hello Greenland"-imik allassimasulik arlaleriarluni siammarterlugulu Kalaallit Nunaat USA-p erfalasuanik erfalasulerneqarsimasoq pillugu assinik siammarterisarpoq.
Aammattaaq USA-p Kalaallit Nunaata nammineersinnaanera ataqqissaneraa nalornissutigineqaqaaq. Danmarki USA-mit saassussisoqarnissaanut piareersimalluni januaarimi sakkutuunik sakkulinnik aannillu puukkanik nassartunik Kalaallit Nunaannut aallartitsisimasoq 2026-mi marsimi nalunaarutigineqarpoq.
USA-mut immikkut aallartitaq Jeff Landry nammineq inuttut 2026-mi maajimi Nuummut tikeraarami aamma aalassatsitsivoq. Naak tikeraarnerata aqaguani Nuummi USA-p konsulateqarfiata ammarneqarneranut atatillugu akerliussutsimik takutitsisoqaraluartoq tikeraareerluni Kalaallit Nunaata USA asagaa tikilluaqqugaalu oqarpoq.
Naalagaaffiup allanut attavfeqarnerulernera „USA-p Kalaallit Nunaatalu akornanni pissutsit ukioq manna ilungersunarsimammata, tamannalu pissutigalugu attaveqatigiinnikkut iliuuseqarnerunissaq pisariaqartoq“ aallartitaq Howery Amerikamiut konsulateqarfiata ammarneqarneranut atatillugu Sermitsiamut oqarpoq .
Naalakkersuisut siulittaasuat Jens-Frederik Nielsen New Yorkimut sapaatiummat aallarpoq. Aallannginnermini Facebookimi ilaatigut ima allappoq:
"Atlantiku qulaallugu ingerlaarujoornitsinni eqqarsaatinniippusi. Ilaqutariit, meeqqat, inuusuttut utoqqaallu. Siunissaq pillugu ernumallussi malinnaasimasusi tamassi qamaniitippassi. Neriuutigaara Nunarput pillugu eqqissisimanarnerusumik inissinnissarput. Kalaallit Nunaat paarilluassavarput, pingaaruteqarnerpaat ataatsimoorfigalugit kiisalu ataqqineqarnissarput piumasariuartariaqarlugu.
Akisussaaffik tamanna nassarlugu New Yorkiliarpunga. Kalaallit Nunaat angerlarsimaffigaarput. Ataatsimoorlutalu paarisassaraarput."
