- Naggataa tikillugu ammarnissaa upperisimanngikkaluarparput

Ballonit, erfalasut, nutsat qilertillit annoraallu manissarneqaqqammersut.

Atuarfik Inussumi sulisut, atuartut katillugit 964-it Nuummi atuarfissaannut ataasinngornermi aggustip 17-ianni kiisami, tikilluaqqusinnaavaat.

- Tikilluaritsi! Dorthe Bidstrup, atuarfiup pisortaa, nalunaaqutaq qulingiluanut atuartut misilittagaqarluartut, 2. klassimiit 10. klassimut, tikilluaqqullugit taama oqarpoq.

Illoqarfimmi meeqqat atuarfianni atuartut minnerit meeqqallu atuarfianni atuartut nutaat aatsaat nalunaaquttap-akunnialui qaangiummata pissangalersimapput. Anaana, ataata aataa immaqaluunniit aanaa tasiorlugit atualerlaat atuarfiup eqqaani nalunaaqutaq aqqanernut takkupput.

Atuarfiup sananeqarnerani mamianartorsiorfiusumi najuuttut amerlanersaasa upperiuminaatsippaat atuarfiup nutaap nalliuttorsiutigineqarnissaa upperiuminaatsissimavaat.

Atuarfik Inussuk ammarneqarnissaa 2024-mi aggustimi pilersaarutaasimagaluarpoq, ikuallattoornissamullu isumannaallisaanermut akuersissummik amigaateqarneq pissutigalugu aatsaat ataasinngormat – ukiut marluk kingusinaarluni – ammarneqarpoq.

- Atuarfiup ammarnissaaq aasaq manna tikillugu pissanngatigisimavarput. Naggataa tikillugu tusatsiakkat ingerlaarsimapput, Eva Sandborg ataasinngornermi ullaap tungaani atuarfiup pinnguartarfiani AG-mit apersorneqarami oqarpoq.

Tassani paninilu, atualerlaat 125-t allat 1.klassimi atualertussat akornanni piareersimapput. Paniali sanaartornerup kinguaattoornera pillugu isumakuluutiginninngilaq, atualernissanili sioqqullugu allanik qilanaarisaqarpoq.

- Meeqqat allat ilagisassami naapinnissai qilanaareqaa, anaanaasoq oqarpoq.

Unamminartoq aqqullu takisooq

Angajoqqaat illoqarfimmiittut kisimiillutik ukioq manna ulloq atuarfik siulleq aallartitsinnagu, misigissutsikkut assigiinngitsunik atugaqanngillat.

- Ulloq manna qilanaareqaarput, AG-p tikilluaqqusinerup kingorna atuarfiup pisortaa, oqaloqatigigamiuk nuannaarpasilluni taama oqarpoq.

Dorthe Bidstrup atuarfiup pisortaatut siorna marsip aallaqqaataani atorfinitsinneqarnerminiilli, naammattorsuarnik suliaqarsimavoq.

- Naatsumik oqaatigalugu uunamminarpoq.

Illoqarfimmi atuarfitoqqat marluk oqoqarnerat pissutigalugu tulleriiginnarlutik qaammat ataaseq qaangiutinngitsoq matuneqarmata, utaqqiisaasumik atuartitsivissarsiorneq unamminiarnartorujussuuvoq.

Ulla Von Staffeldt ilinniartitsisut 83-it ilagaat maanna qilanaarutigisinnaasaminik, tassa Qinngutsinni Café Tamumut imaluunniit ukiup siuliani sumiiffinnut allanut ilinniartitsiffiusunut biilertariaqarunnaarsimavoq.

1.C-mi taanna ilinniartitsisuuvoq.

- Annertuumik ulloq manna naatsorsuuteqarfigaara. Tamanna upperisinnaavat. Nuannisassaagut ilorrisimaarlutalu, suleqatinilu meeqqat atualertorpassuit nakkutigalugit taama oqarpoq.

Ulla Von Staffeldtip illu nutaaq atortorissaarutinillu nutaanik ulikkaartoq nuannaarutigilluinnarpaa.

Tammartajaarnartutut ittut aqqutigalugit misissuigaanni ilaatigut init immikkut ittut nassaassarsiornermi atorneqarsinnaasut aamma nerrivimmi arsaararfiit sofallu takussaapput.

Ammaanneqarnissaq qanoq misinnarpa?

- Nuanneqaaq, Ulla Von Staffeldt akivoq

- Matoqqanera nuannerpallaarsimanngilaq. Aatsaat atuarfimmut iserama uppernarsivara, tassa atuarfik maanna piviusunngorpoq, illarluni oqarpoq.

Pisortatigoortumik oktoberimi nalliuttorsiorneq

Atuarfiup pinnguartarfiani tikilluaqqusinerup kingorna, illup iluani nalliuttorsiorneq nanginneqarpoq, tassani atualeqqaat pikilluarsimasut timersortarfimmi nutaani inersuarmilu isaarussap eqqaani ataasiakkaarlugit taagorneqarput.

Kaagit pinnersaaserneqarsimasut nerrivinnut kaassuartakkanut iliorarneqarsimapput, meeqqanut angajoqqaanut — ilaqutaasunullu ungasissumit takkussimasunut — nalliuttorsiornermi sassaalliutigineqartut.

Aamma ilaqutariit arlallit oqaluttuarput nalliuttorsiornermut atatillugu ualikkut kaffillerniarlutik.

Aviaja Heüsserip, Avianap arnaa, illoqarfimmi neriniartarfiit ilaanniinnissani ualinerani kisiat pilersaarutigaa.

- Paniga kaffillerusunngulaq, taamaammat illoqarfinni neriniartarfinnut neriartussaagut, Aviaja Heüser oqarpoq.

Paninilu inersuarmi tasiorlutik qilaamut isigipput.

- Pissanganaqaaq, siullermeerluta tamaani ippugut — suliluunniit takornariartinneqanngilagut, Aviaja Heüser oqaluttuarpoq, taassuma panimi saniatigut meerai angajulliit marluk atuarfimmi tassani atualerput.

Meeqqavit maani ullumikkut atualernissaat, illoqarfimmi inini atuartitsiviusuni atualinnginnissaat upperisimaviuk?

- Naamik, killissaa tikillugu ammarneqarnissaa upperisimanngilarput, oqarpoq.

Atuarfiup oqaluttarfianiit tassanngaannaq nuannattoqalerpoq, atualerlaaq ataaseq ilinniartitsisussaminut aggersarneqarmat:

- 1, 2, 3. Hurra, hurra, hurra!

Nuummi Atuarfik Inussuk pisortatigoortumik atuartitsiviusoq maanna aallaartikkaluartoq, pisortatigoortumilli ammaanersiornissaa oktobarip aallaqqaataani pissaaq.

- Aalajangerpugut ulloq atuarfik siulleq, ukiut marluk tamatta utaqqisimasarput, ullumikkut pissasoq. Taamaattumik pisortatigoortumik ammaanersiorneq aatsaat kingorna aatsaat pissaaq, atuarfiup pisortaa Dorthe Bidstrup ataasinngormat oqarpoq.

Taanna naapertorlugu atuartut illoqarfimmi sumiiffinni assigiinngitsuni arfineq-pingasuni ukiuni kingullerni atuartinneqartarput, taamaattumik marloriarluni nalliuttorsiorneq aamma naleqqulluarpoq.

- Sumiiffik maanna ataasiinnaalerpoq, tamattalu ataatsimoorpugut, oqarpoq nangillunilu:

- Ammarneqarnera ajunngeqaaq.