Naleqqap aningaasaqarnikkut akisussaassuseqarnissaq aaqqissuusseqqinnissallu aqqutigalugit ineriartortitsinissaq isumaqatiginninniarnermi piumasaraa, Naalakkersuisulli suleqatiginiarneranni Naleqqap siunnersuutaat missingersuummi inaarutaasumi inissaqartinneqarsimanngitsut Naleqqamit oqaatigineqarpoq. Aamma 2026-mut aningaasanut inatsimmut isumaqatiginninniutaasinnaasut amerlanngereeramik.
- Aningaasat qittatissamininnguatik nammineq aaqqissavaat. Naaperiaaniaraluarput naalakkersuisulli namminneq oqaloqatigiinnertik ingerlanniassammassuk peqataaniarunnaarpugut. Danmarkimut EU-mullu pituttorneq annertuallaarmat Kalaallit salliutinneqannginnerat, Naleraq sinnerlugu isumaqatigiinniarnermi aqutsisoq Jens Napãtôk’ oqarpoq.
Naleqqap aningaasaqarnikkut akisussaassuseqarnissaq aaqqissuusseqqinnissallu aqqutigalugit ineriartortitsinissaq isumaqatiginninniarnermi piumasaraa, Naalakkersuisulli suleqatiginiarneranni Naleqqap siunnersuutaat missingersuummi inaarutaasumi inissaqartinneqarsimanngitsut Naleqqamit oqaatigineqarpoq. Aamma 2026-mut aningaasanut inatsimmut isumaqatiginninniutaasinnaasut amerlanngereeramik.
- Aningaasat qittatissamininnguatik nammineq aaqqissavaat. Naaperiaaniaraluarput naalakkersuisulli namminneq oqaloqatigiinnertik ingerlanniassammassuk peqataaniarunnaarpugut. Danmarkimut EU-mullu pituttorneq annertuallaarmat Kalaallit salliutinneqannginnerat, Naleraq sinnerlugu isumaqatigiinniarnermi aqutsisoq Jens Napãtôk’ oqarpoq.
- Kalaallit akissarsiaasa apparujussuarnerat, aamma akit ineriartornerannut malinnnaannginerup kinguneranik sulisartut inuuniapilooreersut aallerfiginiarnerat akuerinngilarput, Jens Napãtôk’ oqarpoq.
Innuttaasunit aningaasanik aallerneq
Naleqqap innuttaasunut nanertuutaanngitsumik akisussaassuseqarluni aningaasaqarniarnissamik piumasaqaatai Naalakkersuisunit naaperiarneqanngitsut, partiip isumaqatiginninniarnermi aqutsisua oqarpoq.
- Aningaasanut inatsit sipaarniuteqarnissamik namminerlu isertitaqarnerulernissamik siunertaqarani innuttaasut aningaasaataannik aallerfiusoq tapersersorsinnaanngilarput, Napãtôk’ oqarpoq.
– Inuit nunami najugaqanngitsut akissarsiassaat akilerniarlugit kalaallit sulisartuinut aningaasanik pisariaqartitsiffianni aallertoqassanngilaq. Naleqqami tunngaviusumik pingaartitavut aalajangiusimavagut: Kalaallit salliunneqassapput. Aqutsinerlunneq innuttaasunut akissarsiannit matussuserneqartussaanngilaq. Tamanna ersarissumik piumasaraarput, Napãtôk’ oqarpoq.
Sipaarutit ikittuinnaat
Isumaqatiginninniarnermi Naleraq 14-inik piumasaqaateqarpoq, ilaatigut pisortat aningaasartuutaasa sipaarneqarnissaat, pisortat allaffissornerannik iluarsaaqqinneq aamma atorfiit Danmarkimit angerlaanneqarnissaat, taamaalilluni akissarsiat akileraarutillu Kalaallit Nunaanniilerniassammata. Siunnersuutit 100 millionit koruunit sinnerlugit sipaarutaasinnaasut partiimit oqaatigineqarpoq.
– Pisortani allaffissornerujussuaq nutserinerillu siparuteqarfiussapput. Aamma nunanit allanit sulisussanik atuineq annikillisinneqassaaq – kalaallit sulisartut akissarsiaannit aallerani. Aaqqissuusseqqinnerit aningaasaqarnikkullu suliniutit nutaat ineriartortitsissapput kalaallillu inuunerminni atugaasa pitsanngorsarnissaannut periarfissaqalersillugit. Allannguinerilli avataanit pilersaarusiorneqaannaratik kalaallinit namminernit ingerlanneqartariaqarput, Napãtôk oqarpoq.
Naleraq naapertorlugu Naalakkersuisut sipaarniuteqarnissamik siunnersuutit ilaat naaperiutigigaluarpaat, partiilli naammaginartutut isiginagit.
– Siunnersuutivut amingarujussuartumik naaperiartuusaarpaat, sipaarniutissaalli annikitsuinnaapput. Aaqqissuusseqqinnerit, soraarnerussutisiaqalernissamut pinngitsoorani ileqqaasussaatitaaneq atorunnaarsinnianngilaat, Demokraatillu tamanna taperserumanagu. Qineqqusaarutaannaapput, Jens Napãtôk oqarpoq.
- CCS carbon - capture storagemut - nunarsuarmioqatitta unitseriigaannut 50 millionit koruuninik aningaasaliinerat akueriuminaatsipparput. Aalisarnermi inuussutissarsiutillit inerisarnissaannut aamma aningaasaliinissaq pisariaqaraluarpoq, isumaqatiginninniarnermi pisortaq oqarpoq.
Novembarip 14-iani akuersissutigineqassasoq
- Illoqarfissuaq kisimik isigineqarput, sineriaap inuerukkiartornissaa naleqqussarfigineqassaaq. Tamanna akuerinngilarput, Naleqqami isumaqatigiinniartartoq naggasiivoq.
Naleraq isumaqatigiinniarnermit anereersullu Naalakkersuisut aningaasanut inatsisip politikikkut isumaqatigiissutigineqarnera ataasinngornerup ullaap tungaani tusagassiortunik katersortitsinermi saqqummiutissavaat.
