Naalakkersuisut atuarfik pillugu inatsimmi annertuumik allannguinissap partiit naalakkersuisooqatigiinnissamut isumaqatigiissutiginikuusaat piviusunngortinnialeruttorpaat.
Meeqqat atuarfiini nukarlerni aaqqissuussineq nutaaq atuutilersinniarneqalersaarpoq, tamatumalu saniatigut 9. aamma 10. klassimi atuartut inuussutissarsiutinut sammisumik ingerlataqarnissamut neqeroorfigineqartalissallutik.
Naalakkersuisut atuarfik pillugu inatsimmi annertuumik allannguinissap partiit naalakkersuisooqatigiinnissamut isumaqatigiissutiginikuusaat piviusunngortinnialeruttorpaat.
Meeqqat atuarfiini nukarlerni aaqqissuussineq nutaaq atuutilersinniarneqalersaarpoq, tamatumalu saniatigut 9. aamma 10. klassimi atuartut inuussutissarsiutinut sammisumik ingerlataqarnissamut neqeroorfigineqartalissallutik.
- Inatsisip allanngortinnerani siunertaq tassaavoq tamakkiinerusumik sammisumik sulinermullu qaninnerusumik atuarfimmik qulakkeerinissaq, atuartut nukarlerni oqaatsitigut matematikkimilu piginnaasaat nukittorsarneqarlutik peqatigisaanillu angajullerni piviusorsiortumik kajumissaasumillu ilinniartitsinissamik neqeroortoqarluni, Naalakkersuisut allapput.
Atuartut nukarliit
Atuartut nukarliit malunnaatilimmik allannguiffigineqassapput.
Atuartitsinermi nalunaaquttap akunneri 700-nit 560-inut ikilisinneqassapput, ullunut 180-inut agguataarneqassallutik. Ullumikkut nalunaaquttap akunneri 700-t ulluni 200-niit 240-nut agguataarneqartarput. Ullut atuarfiusut atuartunut akullernut angajullernullu atuutiinnartinneqassapput, taakku ulluni 200-niit 240-nut atuartussaatitaapput.
Atuarfimmi nalunaaquttap akunneri ikilisinneqarnerat atuartitsissutigineqartut amerlassusaannut allannguuteqassapput, imatullu agguataarneqarlutik:
- Kalaallit oqaasii -
pingaarnertut oqaatsitut nukittorsarneqassaaq tiimit amerlanerulerlutik.
- Matematikki - kisitsisinik
paasinninneq ajornartorsiutinillu aaqqiinerit isiginiarlugit atuartitsissutitut
tunngaviusutut nukittorsarneqassaaq.
- Timersorneq silamilu
sammisaqarneq - aalaneq, atugarissaarneq, timimik ilisimasaqarneq
attuumassutillu pingaartillugit.
- Pilersitsinermik atuartitsissut
- atuartitsissutit nipilersorneq tassani ilaallutik erinarsorneq, aalaneq aamma
isiginnaartitsineq, eqqumiitsuliorneq tassanilu ilaallutik illuliortaaseq aamma
assassorluni suliat ilusilersuinerlu, tassani ilaallutik sananeq aamma
assassorneq.
- Atugarissaarneq
qajannaatsuunerlu pillugit "inuunermi ingerlalluarneq" pillugu
atuartitsissut nutaaq - atuartitsissut immikkoortoq nutaaq, atuuttumut
"Inuttut inerikkiartornermut" taartaasoq. Atuartitsissuteqarfik
atuartitsissullu "Inuttut inerikkiartorneq" taaguutaa
allanngortinneqarpoq, atuartitsissutillu imaa allanngortinneqassalluni aamma
nammineq naleqassuseq, tarnikkut peqqinneq, qajannaatsuuneq, ataatsimoorneq
kinaassutsimillu pilersitsineq aallunneqassallutik. Taamatulli allannguinermi
nukarlernut taamaallaat killeqartinneqassanngilaq, tassa inuttut
inerikkiartorneq pillugu atuartitsissut alloriarfinni tamani pingasuusuni
inuunermi ingerlalluarnermik taarserneqarmat.
Ilinniartitsissutigineqartut uku atorunnaarsinneqarput
Tamanna isumaqarpoq meeqqat atuarfianni nukarlerni "oqaatsit“ kalaallisut kisiartaallutik atuartitsissutaasalissapput.
Aamma "kulturi inuiaqatigiilerinerlu“, tassaasut inuiaqatigiilerineq, oqaluttuarisaaneq, upperisarsiorneq isumaliutersortarnerlu, atuarunnaarsinneqarsimapput.
Atuartitsissutit pingajuat, "matematikki pinngortitalerinerlu“, aamma allannguuteqarpoq matematikki kisimi atuartitsissutigineqalissalluni.
Inatsisissatut siunnersuutip oqaaseqaataani erseqqissarneqarpoq tuluit oqaasiisa pingaaruteqannginnerulernissaat siunertarineqanngitsoq, aamma "kisiannili periusissiornikkut atuartitsissutip
nukittorsarnissaanut atatinneqarluni".
- Siunertaq
tassaavoq atuartut tuluit oqaasiinik atuartinneqarnissaat sioqqullugu atuartut
atuarnermi, allannermi kisitsinermilu kiisalu kalaallit oqaasiini
matematikkimilu tunngaviisa nukittunerulersinnissaat. Tamatuma peqatigisaanik
qulakkeerneqassaaq tuluit oqaasii oqaatsit sukkasuumik siuariartorsinnaaneri
pissutigalugu kalaallit oqaasiinik inangiinnginnissaat.
Kinaassutsimik ilisimaarinninneruneq
Naalakkersuisut inatsisissatut siunnersuutip nutaap suliarineqarneranut atatillugu meeqqat atuarfiat qanoq iliorluni kalaallit kinaassusianik, kulturiannik ataatsimoornerannillu ineriartortitsinissamut sunniuteqarsinnaanersoq "nunap inuisalu pilersikkiartornerannut" peqataasinnaanersoq nalilersorpaat. Taanna naalakkersuisoqatigiit isumaqatigiissutaanni aamma ilaavoq.
Nunap inuisalu pilersikkiartornerannut immikkut ilinniutissatut uku tunngavigalugit taamaatinneqartut:
- Naliliisoqarpoq
nunap inuisalu pilersikkiartornerat atuartitsissutitut immikkoortutut
pilersinneqarnera atuartut ulluinnaanni ilinniarnerannilu piviusumik
tunngavilerneqanngitsumik piumasarineqartutut iluseqalersinnaanera.
Atuartitsissummi immikkoortut soorlu kulturikkut oqaluttuarisaaneq, oqaluttuat,
oqaluttuatoqqat, kinaassuseq, tarnikkut peqqinneq akisussaassuseqarnerlu
atuarfiup siunertaanut annertuumik attuumassuteqartutut nalilerneqarmata,
taamaattumik taakku iluaqutaasumik atuartitsissutini assigiinngitsutigut
ilaatinneqartariaqarlutik.
- Taamaaliornikkut
sammineqartut tamakkiisumik sammitinneqartumut ataqatigiissumik
ilanngunneqarsinnaapput, kalaallit pingaartitaat, oqaluttuarisaanerat, oqaasii
inuiaqatigiinnillu paasinninneq kinaassutsimik, nammineq naleqarnermik
qajannaatsuunermillu atuartut inerikkiartornerinut atassuserneqarsinnaallutik.
Tamanna tunngavigalugu nunap inuisalu pilersikkiartornerat atuartitsissutini
tamani atuartitsinermi ilaalluni immikkoortutut ilaassasoq
siunnersuutigineqarpoq.
2030-p aallartitsinnangu allannguutit atulersinneqarnissaat siunertarineqarpoq.
Angajullerni atuartut inuussutissarsiutinillu klassi
Meeqqat atuarfianni angajullerni (9. aamma 10. klassini) ilinniartitsissutip inuussutissarsiornermut tunngasuusup atulersinneqarnissaa sivitsortumik kissaatigineqarpoq, atuarfimmi ilinniartitsineq nalinginnaasumik ingerlanneqartartoq suliffimmik misiliilluni ilinniartitsinermik taarserneqassalluni.
Kommunit – oqartussaasunut pineqartunut qinnuteqareerunik – inuussutissarsiornermut tunngasunik ilinniartitsissutinik neqeroorfigineqarsinnaapput, ilinniartut suliffimmi misilittagaqartinniarlugit.
- Peqatigisaanik
aaqqissuussinerni siunertaavoq angajullerni atuartut atugarissaarnerat
kajumissusiilu nukittorsarneqassasut, annertunerusumik allanngorarnermik
pilersitsillutik aamma atuarfiup suliffeqarfiillu akornanni
ikaartarfiliisoqarluni. Aaqqissuussinerit imatut aaqqissuunneqarsinnaassapput
atuartut sapaatip akunneranut ulluni ataatsimi, marlunni
suliffeqarfimmiissinnaallutik, inuussutissarsiornermut
ilinniarfimmiissinnaallutik imaluunniit atuartup atuarfiani aaqqissuunneqartumi
suliffimmi sungiusarsinnaallutik.
Kajumissutsimik nukitsorsaaneq
Inuussutissarsiutit pillugit klassit siunertaraat ilinniartut nalinginnaasumik atuarfimmi ingerlalluanngitsut kajumissuseqalersinneqarnissaat, aamma inuusuttut amerlanerusut inuussutissarsiornermik ilinniagaqarnissaannik kajumilersissinnaanissaat.
Tassani allassimavoq uku atuutissasut:
Angajullerni atuartunut akunnerit atuartitsiffiusut allanngortinneqassanngillat.
Inuussutissarsiorneq pillugu klassi atuartut nalinginnaasumik atuarnermut uternissamut periarfissaqassaaq.
Atuartut minnerpaamik matematikki kalaallisullu ilinniartinneqartarnissaat piumasaqaataavoq.
Atuartitsineq aamma atuartup pisariaqartitaanut atugarisaalu naapertuuttariaqarput.
Meeqqat atuarfianni inaarutaasumik nalilersuineq ingerlanneqartassaaq, atuartitsinerli naliliinerlu allatut aaqqissuunneqartarput.
Atuartut atuaqatiminnit ikinnerusumik ilinniartinneqartarput, minnerpaamillili kalaallisut matematikkilu atuartinneqartassallutik. Atuarnerup ilarujussua suliffeqarfinni, inuussutissarsiornermik ilinniarfimmi imaluunniit atuarfiup aaqqissuussaanik atuartitsinermi atorneqartassaaq.
Aamma siunnersuutigineqarpoq 10. klassit naammassinera ilinniakkap naammassineqartup saniatigut inuussutissarsiornermik ilinniartunut immikkut naliliisarneq aaqqissuunneqartassasoq, inaarutaasumik nalilersuilluni oqaloqatigiinnermi.
Kommunip inuussutissarsiummik aalajangersimasumik ilinniartitsisoqarnissaanut akuersissuteqartinnani, kommunalbestyrelsip ilinniagaqarfiit assigiinngitsut imaluunniit allamik ilinniagaqarfinnik inuussutissarsiornermut tunngasunik neqerooruteqartoq isumaqatigiissuteqarfigereersimasariaqarpaa. Aammattaaq kommunip pisussaaffigaa suliffimmi ilinniarfinniluunniit ilinniartitsineq nakkutigissallugu.
Siunnersuutinut tusarniaaneq 2026-mi februaarip qulingat tikillugu ingerlanneqassapput.
