KL

DK

Nunarsuarmi angalasut amerleriarsimasut

Kalaallit Nunaanniit nunanut allanut angalasartut amerlassusaat 2026-imi qaammatini siullerni marlunni 10.000-it qaangerpaat. Amerlanerit Nuummeersuupput.

Angalasut 10.958-it nunatsinnit nunanut allanut januaarimi februaarimilu ukioq manna timmisartorlutik angalapput. Tassa ukioq kingulleq qaammatini siullerni marlunniit 21,9 procentimik qaffariarneruvoq.
KASSAALUK KRISTENSEN
KASSAALUK KRISTENSEN Digitalredaktøri
Saqqummersinneqarpoq

Timmisartumik angalasut 2026-mi januaarimiit februaarimut 10.958-iupput, tassa ukiup siulianut sanilliullugu 21,9 procentimik amerlanerullutik.

Tamanna Naatsorsueqqissaartarfiup kisitsisaataasa nutaat takutippaat.

Angalasut 2025-mi januaarimi februaarimilu 8991-iupput.

Nunanut allanut timmisartumik angalasut amerlanerpaartaat , tassa 10.762-it, Nuummit aallartartut sinneri Kangerlussuarmit, Kulusummit Nerlerit Inaanniillu aallarsimapput.

Timmisartorluni angalasut, februaari 2023-2026

Timmisartumik angalasut 2026-mi januaarimi 5.840-upput, februaarimilu Kalaallit Nunaannit aallartut 5.118-iullutik.

Timmisartumik angalasut 2025-mi katillutik 114.431-upput.

2026 nunaqarfiit angalasut kalaallit nunaat naatsorsueqqissaartarfik inuiaqatigiit

Atorfiit tamaasa takukkit

PODCASTI

Powered by Labrador CMS