Nuummi angut aallaasersorsimasutut tigusarineqartoq

Nutartigaq allaaserisap naanerani takuuk

Angut 25-nik ukiulik Nuummi aallaasersorsimasutut tigusarineqarpoq.

Taama Kalaallit Nunaanni Politiit Sermitsiamut ilisimatitsipput.

Angut aallaammik pigisaqarpoq.

Politiit unnukkut arfinernut nalunaarfigineqarput, kingornalu Sarfaannguani umiatsialiveqarfiup eqqaani piffik assersorneqarpoq.

Misissuineq pissutigalugu piffik suli assersugaavoq, politiillu assersuinerup innuttaasunit ataqqineqarnissaa qinnutigaat.

Aallaasersornermi ajoqusertoqanngilaq.

Nutartigaq

Pigaartut pisortaata Aputsiaq Hansenip Sermitsiamut sisamanngornermi ullaap tungaani ilisimatitsissutigaa, assersuineq atorunnaarsinneqarsimasoq, innuttaasullu sumiiffimmi tassani kiffaanngissuseqarlutik angalasinnaalersut.

Angut 25-nik ukiulik suli tigummigallarneqarpoq, politiillu suliaq misissoqqissaarpaat. Suliami ilaatigut paasinarsissaaq angut 25-nik ukiulik inatsisit tunngaviusut naapertorlugit killisiorneqarnersoq, pigaartut pisortaat oqarpoq.