Nuummi annikitsumik ikuallattoqarnerata kingorna marluk ajoqusertut

Nal. 17.06 naqqinneqarpoq: Ikuallanneq Hotel Nordbomi pisimasoq allaaserisami siusinnerusukkut allassimavoq. Tamanna kukkuneruvoq. 

Kalaallit Nunaanni Politiit sapaatip unnuaani nal. 02.13 Nuup qeqqani annikitsumik ikuallattoqarneranik kalerrinneqarput.  

Ineqartup iganerani uulia ikuallalersimallunilu emhætte ikuallatsilerpaa. Tamanna inuit marluk ajoqusernerannik kinguneqarpoq, taakkulu pujuliortoqarnera pissutigalugu ajoqusersimasut nakorsiartarfiannut unitsinneqarput.  

Pigaartut pisortaat Thomas Jeppesen taama oqaluttuarpoq.  

Ineqartoq saniliilu allamut inissinneqarput. Politiillu aaannakkuugallartoq ajoqusersimasut marluk pillugit annertunerusumik paasissutissaateqanngillat. 

Nunami imaanilu  

Sapaammi ullaakkut nal. 05.45 angallat Qaqortup tungaanut ingerlaartoq motoriminik unittoorpoq. Angallat 15-nik ilaasoqarpoq.  

- Motori atorsinnaajunnaarmat ajornartorsiulerput. Politiit namminneq angallatertik atorlugu ornigupput, inuillu 15-t isumannaatsumut Qaqortumullu anngullugit, Thomas Jeppesen oqarpoq.  

Paamiunilu nunami ajornartorsiortoqarpoq. Unnuap qeqqalivissoq biilit qernertut mikisut illoqarfimmi qiperukkamut aporput. Ajoqusertoqanngilaq.  

Nunaqarfik telefonikkut attaveeruttoq  

Upernaviup eqqaani Nuussuarmi innuttaasut ippassarli telefonikkut attveerupput.  

Tusas ajoqummik aaqqiiartorluni piffimmukartoq, Kalaallit Nunaanni Politiit ippassaq Facebookikut nalunaarput. Nalunaaquttap akunnerisa arfinillit iluanni telefonikkut attaveqartoqaqqilissasoq ilimagineqarpoq.  

Pigaartut pisortaat malillugu ajoqut suli aaqqinneqanngilaq.