Nuummi mittarfimmi sioorasaarisoqareersorlu qimagussortitsisoqartoq

Nukappiaraq 17-inik ukiulik Nuummi mittarfimmi ataasinngornermi ullaap tungaani qimagussortitsinermut pissutaavoq.

Assi: Oscar Scott Carl

Thomas Munk Veirum Thomas Munk Veirum Thomas Munk Veirum Tusagassiortoq

Saqqummersinneqarpoq 30. martsi 2026 - 11:51

Annonse

Nuummi mittarfimmi qaartartumeerinissamik ataasinngornermi ullaap tungaani sioorasaarisoqartoq politiinut nalunaarutigineqartoq, pigaartut pisortaat Preben Kleist oqarpoq.

Tamanna pissutigalugu timmisartoqarfimmi sulisut mittarfimmit qimagussortitsipput.

Politiit mittarfimmukarlutik nukappiaraq 17-inik ukiulik pasineqartoq sioorasaarisorisorlu tigusarigaat pigaartut pisortaat oqarpoq.

Politiit misissuinerisa 17-inillu ukiulimmik oqaloqateqarnerisa kingorna mittarfik assersorneqarunnaarlunilu inuit isersinnaanngoqqittut politiit pigaartuisa pisortaat oqarpoq.

17-inik ukiulik unnerluutigineqarpoq, politiillu inatsisilerituuisa suliaq maanna nalilersortussanngorlugu.

Nuummi mittarfimmi sapaatit-akunnerisa marluk ingerlaneranni qaartartumeerinissamik aappassaanik sioorasaarisoqarpoq. Angut qaartartoq pillugu timmisartoqarfimmi marlunngornermi marsip 17-ianni eqqaasaqarmat politiit aamma ornigupput.