Nuummi timmisartuussinerit aaqqissuussallu anorersuarmit eqqorneqartut

Københavnip Nuullu akornanni talliamanngornermi timmisartuussinissaraluit anorersuarnissaa pissutigalugu unitsiinnarneqartut sapaatip akunnerani uani siusinnerusukkut, Air Greenlandip nalunaarutigaa.

Timmisartuussinissat arfininngornermut kinguartinneqarput, Greenland Airportsillu nittartagaani talliamnngornermi ullaakkut takuneqarsinnaavoq, Nuummi mittarfimmiit tallimanngornerup ullaap tungaani timmisartuussinissat arlallit taamaatiinnarneqartut.

Angallannikkut ajornartorsiutit aaqqissuussanik annertuunik marlunnik, Nuummi tallimanngornermi unnukkut ingerlanneqartussaagaluartunik eqquipput.

Rasmus Lyberthip tallimanngornerm tusarnaartitsinissaralua, angallannikkut unammillernartorsiorneq pissutigalugu ajoraluartumik sapaammut kinguartinneqartariaqartoq, Kulturip illorsua Katuaq allappoq.

Isissutissat tallimanngornermi novembarip arfernanoortut, sapaammut novembarip arfineq-pingajuanut automatiskimik nuutinneqarumaartut kulturikkut illorsuaq ilisimatitsivoq.

Tilluuttartut klubbiat Fightclub Nanoq aamma Nuummi Illorsuarmi Timersortarfimmi tilluunnermik unammisitsinermik ingerlatsisussaagaluarpoq, taannalu unitsivinneqarpoq:

-Nuummi Illorsuarmi Timersortarfimmi tilluunnissaq qilanaarisimagaluaqaarput. Tilluuttartulli ajoraluartumik Nuummut apuussinnaanngillat, taamaammat unnuk taanna tilluunnissat unitsiinnartariaqarpagut. Isissutissanik pisisimasut tamarmik akiliutaat utertinneqarumaarput, klubbi Facebookimi taama allappoq.