KL

DK

Nuussuarmi pisimasumi unnerluutigineqartoq suli tigummigallarneqarpoq

Nuussuarmi pisumi angutip 26-nik ukiullip tigummigallarneqarnera, eqqartuussiviup marlunngornermi sivitsorpaa. Taanna Nuussuarmi toqutseriarsimasutut juulip aallartinnerani unnerluutigineqarpoq. Qanorlu maannamut unnerluutigineqarnera, oqaatigineqarsinnaanngilaq.

Politiit amerlaqalutik Nuussuarmiipput, sumiiffillu nalunaaquttap-akunneri arlaqartut assersorlugu.
Morten Okkels Morten Okkels Tusagassiortoq
Saqqummersinneqarpoq

Angut 26-nik ukiulik, Nuussuarmi nakuusertoqarneranut atatillugu juulip aallartinnerani unnerluutigineqartoq, suli tigummigallarneqarpoq.

Eqqartuussisoqarfik Sermersuumi marlunngornermi ullaakkut taama aalajangiisoqarpoq. Tunngaviusumik inatsit naapertorlugu killisiuinerup kingorna sapaatit-akunneri sisamat qaangiutereersullu, eqqartuussisup suliaq misissoqqittussanngorpaa.

Pisoq juulip arfernani ilisimaneqalermat, politiit Nuussuarmi sumiiffimmik nalunaaquttap-akunnerini arlalinni assersuipput. Angut perululluni napparsimmavimmiittoq politiinit oqaatigineqarpoq, qanorlu pisoqarsimanersoq iluamik ilisimatitsissutigineqanngilaq.

Angulli 26-nik ukiulik toqutseriarsimasutut unnerluutigineqarpoq juulillu arfineq-aappaanni eqqartuussivimmi killisiorneqarluni.

Angut pisumi aqqunartitaasimasoq sivitsunngitsoq toquvoq.

26-nik ukiulimmut unnerluussut allanngortinneqarsimanersoq, suliarlu toqutsisoqarsimaneranik suliatut nalunaarutigineqarsimanersoq, uppernarsiniarlugu Sermitsiaq paasiniaavoq iluatsinngitsumik.

Politiit misissuinertik pillugu paasissutissanik kingumut tunniussiumanngillat.

tigummigallagaaneq kalaallit nunaanni politiit nuussuaq toqutseriarsimasutut unnerluussaq inuiaqatigiit eqqartuussisoqarfik sermersooq

Atorfiit tamaasa takukkit

PODCASTI

Powered by Labrador CMS