Peqquserlunniartoqarneranik Grønlandsbanken mianersoqqusivoq 

Grønlandsbanken ilisimatinneqarsimavoq Facebookimi gruppeqartoq, Nykreditip aqqa ilisarnaataalu atornerlullugit "akikitsumik taarsigassarsisitsisinnaalluni". 

Taanna nittartagaq pisortatigoortumik nittartagaanngilaq, ersarissumillu peqquserlunniutaasoq takussutissaqarluni.

- Gruppe pineqartoq pingaartumik Kalaallit Nunaanni innuttaasunut saaffiginnippoq, tassungalu atatillugu kaammattuutigaarput inuit eqqumaariffigissagaat paasissutissanik imminnut tunngasunik peqquserlunnianut tunniussisuunnginnissartik, Grønlandsbankenimit mianersoqqusisoqarpoq, ilanngullujgulu banke kaammattuuteqarpoq gruppe naammattuussagaanni nalunaarutigeqqullugu:

- Gruppe takugukku, Facebookimut nalunaarutigissavat, matuneqarnissaanullu ikiuullutit. Mianersoqqussut una ikinngutitit ilaquttatitillu avitseqatigisinnaagukkit qujanassaqaaq, tamatta ataatsimoorluta peqquserlunnianut illersoqatigiinniassagatta, Grønlandsbankenimit kaammattuutigineqarpoq.

 Grønlandsbanken ilanngullugu ilisimatitsivoq Nykredit - imaluunniit Grønlandsbanken - inuit attaveqaqatigiittarfiisigut sullitaminnut saaffiginninnavianngutsut qaquguluunniit.

Taamatuttaaq bankip kaammattuutigaa paasissutissanik imminut tunngasunik imaluunniit bankimut tunngasunik Facebookimi avitseqateqanngisaannarnissaq eqqumaffigineqartariaqartoq.