Pisortap Alexander Koustrup Nielsenip Qaqortumi ilaqutariit suliffeqarfiutaata HK Transportip amerikamiut sakkutooqarfigisimasaanni Camp Corbettimi, Narsarsuarmi mittarfiup eqqaaniittumi suliarisimasai tulluusimaarutigai. Saliinerup ukiuni pingasuni ingerlanneqarnerani sakkutooqarfik allanngorluinnarsimavoq. – Pinngortitaq piujuaqqilerpoq, Alexander Koustrup Nielsen Sermitsiamut oqarpoq.
Camp Corbettimi sulineq danskit Kalaallit Nunaanni amerikamiut sakkutooqarfigisimasaanit suliaannut ilaavoq, taanna naalagaaffiup Namminersorlutillu Oqartussat januaarimi 2018-imi isumaqatigiissutaanniit aallaaveqarluni. Sumiiffinni 17-ini eqqakkanik saliineq eqqaanerlu pineqarput, eqqaaviit, illut, pisattat, maskiinat, savimerngit, plastikkit kiisalu atortunik asbestitalinnik - aamma sorsunnerup nalaani uulianut nappartat manngertornersimasut tusindillit. Aki: 180 millionit koruunit, danskit naalagaaffiata karsianit akilerneqartut. Suliffeqarfiup Kingo Grønlandip Camp Corbettimi saliineq 2024-mi aallartippaa, HK Transportillu 2025-mi suliaq ingerlateqqippaa qaammammi ulapaarfiusumi maajip aallartinneraniit juunip aallartinneranut. Qaqortumi suliffeqarfiup 2025-mi aamma 2026-mi saliinissamut inuit arfineq pingasut sulisippai, eqqakkat nunamut matoorunneqarsimasut aamma sumi tamaani ittut kingullernut suliaqarneq ingerlanneqarpoq. Eqqakkat katersorneqartut containerinut poortorneqarput, taakkualu Royal Arctic Linemit Narsarsuup talittarfianiit assartorneqarput. Eqqakkat Danmarkimut umiarsuarmik eqqaavissuarnut ikuallaavimmulluunniit assartorneqarput. Paratiisimili pulateriaarsoqarpoq: Naalagaaffiup Namminersorlutillu Oqartussat akornanni isumaqatigiissummi nunamiittut imaluunniit eqqaavissuarni matoorunneqarsimasut kisiisa pineqarput. Ingeniørit siunnersuisartut Cowi aamma Nira kemikaalianik toqunartulinnik tonserpassuarnik kiisalu nunamik imermillu mingutsitsisumik, sakkutooqarfiusimasuni 17-nini nalunaarsuipput. Saliinermi aqutsisoqatigiit Danmarkimi Avatangiisinut Ministereqarfimmit, Illersornissamut Ministereqarfimmit aamma Kalaallit Nunaanni Pinngortitamut Avatangiisinullu Naalakkersuisoqarfimmit sinniisoqarput. 2026-mi saliineq sumiiffinni pingasuni pissaaq: Camp Corbettimi Narsarsuup eqqaani, Bluie West 9-mi Sisimiut eqqaani aamma Kap Athollimi Pituffimmi Space Basep eqqaani.
Pisortap Alexander Koustrup Nielsenip Qaqortumi ilaqutariit suliffeqarfiutaata HK Transportip amerikamiut sakkutooqarfigisimasaanni Camp Corbettimi, Narsarsuarmi mittarfiup eqqaaniittumi suliarisimasai tulluusimaarutigai. Saliinerup ukiuni pingasuni ingerlanneqarnerani sakkutooqarfik allanngorluinnarsimavoq. – Pinngortitaq piujuaqqilerpoq, Alexander Koustrup Nielsen Sermitsiamut oqarpoq.
Camp Corbettimi sulineq danskit Kalaallit Nunaanni amerikamiut sakkutooqarfigisimasaanit suliaannut ilaavoq, taanna naalagaaffiup Namminersorlutillu Oqartussat januaarimi 2018-imi isumaqatigiissutaanniit aallaaveqarluni. Sumiiffinni 17-ini eqqakkanik saliineq eqqaanerlu pineqarput, eqqaaviit, illut, pisattat, maskiinat, savimerngit, plastikkit kiisalu atortunik asbestitalinnik - aamma sorsunnerup nalaani uulianut nappartat manngertornersimasut tusindillit. Aki: 180 millionit koruunit, danskit naalagaaffiata karsianit akilerneqartut. Suliffeqarfiup Kingo Grønlandip Camp Corbettimi saliineq 2024-mi aallartippaa, HK Transportillu 2025-mi suliaq ingerlateqqippaa qaammammi ulapaarfiusumi maajip aallartinneraniit juunip aallartinneranut. Qaqortumi suliffeqarfiup 2025-mi aamma 2026-mi saliinissamut inuit arfineq pingasut sulisippai, eqqakkat nunamut matoorunneqarsimasut aamma sumi tamaani ittut kingullernut suliaqarneq ingerlanneqarpoq. Eqqakkat katersorneqartut containerinut poortorneqarput, taakkualu Royal Arctic Linemit Narsarsuup talittarfianiit assartorneqarput. Eqqakkat Danmarkimut umiarsuarmik eqqaavissuarnut ikuallaavimmulluunniit assartorneqarput. Paratiisimili pulateriaarsoqarpoq: Naalagaaffiup Namminersorlutillu Oqartussat akornanni isumaqatigiissummi nunamiittut imaluunniit eqqaavissuarni matoorunneqarsimasut kisiisa pineqarput. Ingeniørit siunnersuisartut Cowi aamma Nira kemikaalianik toqunartulinnik tonserpassuarnik kiisalu nunamik imermillu mingutsitsisumik, sakkutooqarfiusimasuni 17-nini nalunaarsuipput. Saliinermi aqutsisoqatigiit Danmarkimi Avatangiisinut Ministereqarfimmit, Illersornissamut Ministereqarfimmit aamma Kalaallit Nunaanni Pinngortitamut Avatangiisinullu Naalakkersuisoqarfimmit sinniisoqarput. 2026-mi saliineq sumiiffinni pingasuni pissaaq: Camp Corbettimi Narsarsuup eqqaani, Bluie West 9-mi Sisimiut eqqaani aamma Kap Athollimi Pituffimmi Space Basep eqqaani.
Camp Corbett
Sanaartornermik ingerlatsivik HK Transport ingeniøritullu suliaqartut Niras maajimi Camp Corbettimi sulipput. Camp Corbetti 1942-mi Narsarsuarmi mittarfimmut radioqarfittut pilersinneqarpoq, amerikarmiut 1958-imi radioqarfik mittarfillu qimappaat. Angutit qulit 20-llu akornanni amerlassusillit sumiiffimmi suliaqartinneqarput, kabelinik angallassinikkut mittarfimmit kuup sinaatigut radioqarfimmut assartuisarlutik. Saliineq sioqqullugu sumiiffimmi napasuliat qisuit untritilikkaat aamma saviminermik napasuliaq 185 meterisut portutigisoq takuneqarsinnaapput. Tamatuma saniatigut illut, pinartoqartillugu innaallagissiorfiit uuliamillu tankit kiisalu eqqaaviit arlallit 690.000 kvadratmeterinit amerlanerusut siammarterneqarsimapput. Ingeniørinillu suliaqartut Niras 2020-mili avatangiisinik misissuisimavoq, tassanilu eqqakkat ulorianartut 650 tonsit, mingutsitsisut ulorianaateqanngitsut 60 tonsit, eqqakkalu mingutsitsinngitsut 2.200 tonsit. Eqqakkat 80-100 tonsit eqqaavissuarniipput. Mingutsitsineq inunnut pinngortitamullu ulorianartorsiortitsinngitsoq Niras naliliivoq, nunamut imermillu mingutsitsisinnaasut pinaveersaartinnissaannut iliuuseqartoqanngilaq. Nunatta Katersugaasivia Allagaateqarfialu Camp Corbettimut 2020-mi tikeraarput. Kulturikkut oqaluttuarisaanermi naleqassusia annikitsuararsuuvoq, sumiiffiullu salinneqarnissaanut akuersissummik tunineqarpoq, kisianni itsarnitsat eqqaani nassaat eqqarsaatigalugit. Ukiuni pingasuni saliisoqareersoq aqutsisoqatigiit naliliissapput 2027-mi inaarutaasumik saliisoqassanersoq.
Blue West 9
Meerannguaq taaguuterpassuaqarpoq, Sisimiut kujataatungaaniittoq qeqertaq ateqarpoq Simiutaq, tuluttut Cruncher Island. Sanaartornermik ingerlatsivik Permagreen Sisimut ingeniøritullu suliffeqarfik Niras aggustimi septembarimilu Simiutami saliipput (Qaqortup eqqaani qeqertamut Simiutamut aamma saliinissamut pilersaarutinut ilaasoq). Silasiorfik 1942-1948-mi atorneqarpoq, 1959-imiit 1963-imut amerikamiut qeqertamut uterput, tassanilu radioqarfimmik inuttaqanngitsumik pilersitsillutik. Ullumikkut illut qulit, betonimik qarmarsuaq, napasuliat qisuit arfineq marluk aamma napasuliat saviminiusut marluk, generatorit angallatillu eqqaaviullu saniatigut suli atorneqarput. Nunatta Katersugaasivia Allagaateqarfialu 2021-mi qeqertamut tikeraarput, piffissani taakkunani marlunni amerikamiut najuunnerat uppernarsarniarlugu, tamatumalu kingorna sumiiffimmi saliisoqarnissaanut ammaanneqarluni. Nunatta Katersugaasiviata Allagaateqarfiatalu inassutigaa, napasuliaq maannakkutut isikkoqartillugu atatiinnarneqassasoq, betonnimi allagartaqarnera pissutigalugu. Qeqertami eqqakkat ulorianartut 3 tonsit, mingutsitsisut uloriananngitsulli, 8 tonsit aamma eqqakkat ulorianaateqanngitsut 31 tonsit Niras 2021-mi tikeraareerluni missiliuussivoq. Eqqakkanik toqqorsiviup ataatsip batteriit 150-it imarai, 1,5 tonsiusut. Issummit misissuinerit takutippaat uuliamik saffiugassanillu oqimaatsunik annertuumik mingutsitsisoqarsimasoq. Issummit mingutsinneqartoq 100 kubikmeterit missaanniittoq saliinissamut pilersaarutinut ilaanngilaq, qeqertamili qimaannarneqarluni.
Kap Atholl
Amerikamiut Kap Athollimi 1954-imiit 1975-imut Loran stationeqarput. Kap Atholl Pituffiup Space Basep kujataatungaaniippoq, taannalu maannakkut saliinissamut pilersaarutinut ilaanngilaq. Sanaartornermik ingerlatsivik Per Aarsleff ingeniørinillu suliffeqarfik Cowi juulip aggustillu ingerlaneranni saliipput, tamannalu 2027-mi naammassineqassaaq. Eqqakkat matoorneqarsimasut peerneqassanersut suli paasinarsisimanngilaq. Cowi 2022-mi Kap Athollimukarsimavoq, tassani ingeniøritut suliffeqarfiup illut marluk, napasuliat sinneri, betonngimik toqqaviit mikisut, aqquserngup sananeqarnerata aamma napasuliarsuit qisunnik sanaat sinneri, tankit marluk, kabeli aamma eqqaavissuaq nassaaraat. Cowip missingersimavaa eqqakkat ulorianartut 10 tonsit, mingutsinneqartut, kisianni uloriananngitsoq 7 tonsit aamma eqqakkat mingutsinneqarsimanngitsullu 158 tonsit. Sumiiffimmi ataatsimi sananermut atortunik aamma ruulinik assaasoqartoq. Nunatta Katersugaasivia Allagaateqarfialu 2021-mi Kap Atollimut tikeraarput. Eqqakkat amerlasuut eqqaavimmit ukiut qulikkuutaat ingerlaneranni aserorterneqareernermi kingorna qaleriiaarneqartartut sissamiipput. Ullumikkut bulldozeri kanngussamillu aqqutit qaqqap sivingarnanit qaqinneqarput.
