KL

DK

Kalaallit arnat assammik arsarlutik nunanut allanut unammisartui Parisimut VM-imut anngunniunnermi peqataajartorput

Parisimi Marokkomut, USA-mut Frankrigimullu unamminissamut misilitsittussatut, assammik arsartartut 17-it toqqarneqarput.

Kalaallit arnat assammik arsarlutik nunanut allanut unammisartui katersuuteqqammerput, suliassamullu pingaarutilimmut tulliuttumut maanna piareerput, TAAK tusagassiutitigut nalunaarummi allappoq.
Hanna Hviid Hanna Hviid Tusagassiortoq
Saqqummersinneqarpoq

Arnat assammik arsarlutik nunanut allanut unammisartut sungiusaasuat Jakob Larsen sungiusaasup ikiortaa Kim O. Petersenilu unammisartunik 17-inik toqqapput, taakkulu Parisimi misiliilluni unamminermi Kalaallit Nunaat sinnerlugu peqataassapput.

Taama TAAK tusagassiutitigut nalunaarummi allappoq.

Parisimut angalaneq VM-imut anngunniunnissamut piareersarnermi alloriarneruvoq pingaarutilik. Unamminerit pingasut ulluni pingasuni ingerlanneqassapput, tamatumalu nalaani nukiit tamaasa atortariaqarput, aamma arsaattarfiup iluani avataanilu sungiusarnerit aalajangersimasut ineriartortinnissaat pisariaqartinneqarpoq.

Parisimi Marokko, USA aamma Frankrigip U19-it nunanut allanut unammisartui unammissavaat.

- Unammisartut amerlasuut maannakkut angusarissaarput, tamannalu unammisartoqatigiit tamarmik pikkorinnerulernissaannut iluaqutaavoq. Parisimi unamminissamut arsaattartut 15-it målmandillu marluk peqataassapput. Pingasoriarluni unammisoqartillugu unammisartutut ataatsimoornissarput tamanillu piareersimanissaq pingaaruteqarpoq, Jakob Larsen oqarpoq.

Unammisartut nutaat marluk Christina V. Lange aamma Karla de Kam unammisartunut nukittorsaataassapput. Najaaja L. Heilmann seeqqumigut ajoqusernini pissutigalugu unammeqataassanngilaq. Sungiusaqqilernissaa pilersaarusiorneqarpoq, neriuutigineqarpoq novembarimi tulliani unamminissamut piareeqqissalluni.

– Unammisartut tamarmik, maannakkut toqqarneqarsimasut toqqarneqanngitsulluunniit, ullut tamaasa ilungersortariaqarput. Toqqarneqarnera takorluugaannaasussaanngilaq juullillu tungaanut suliniuteqartuassaagut, Jakob Larsen erseqqissaavoq.

Unammisartut oktobarip 20-aniit 23-anut Parisimiissapput.

Parisimut angalasussat toqqakkat

• Nivi Fly - GSS

• Maja Motzfeldt-Skovgaard - SAK

• Andrea Heilmann - GSS

• Ivalu Bjerge - Ejstrup Hærvejen (Danmark)

• Tanja Nuunu Kristiansen - GSS

• Ajla Bibi Knudsen Jørgensen - GSS

• Nadia Aia Lundblad - GSS

• Josefine Jakobsgaard Gadgaard - Ejstrup Hærvejen (Danmark)

• Anja Labansen Heilmann - GSS

• Nuunu Marie Lukassen - GSS

• Ane-Sofiannguaq Frederiksen - Knattspyrnufelagid Vikingur (Island)

• Nukaaka Petrussen Lyberth - Ajax København

• Ivâna Meincke Zeeb - Knattspyrnufelagid Vikingur (Island)

• Aili Paneeraq Pedersen - GSS

• Nivi Jensen Petersen - GSS

• Christina V. Lange - NÛK

• Karla de Kam - NÛK

paris vm-imut anngunniunneq kalaallit nunaat jakob larsen arnat assammik arsartartut timersorneq

Atorfiit tamaasa takukkit

PODCASTI

Powered by Labrador CMS