KL

DK

Kalaallit Nunaat Kroatiami Futsal Weekimut piareerpoq

Futsalimi angutit nunanut allanut unammisartut Kroatiami unammisartut allat pingasut Futsal Weekimi oktoberimi unammissavaat.

Arsartartut Futsal Weekimut piareersarlutik Zagrebimi oktobarip qulingiluaaniit 13-iata tungaanut sungiusarlutillu, Dinamo Zagreb unammissavaat.
Hanna Hviid Hanna Hviid Tusagassiortoq
Saqqummersinneqarpoq

Kalaallit angutit futsalimi nunanut allanut unammisartut Kroatiami Porečimi Futsal Week oktobarip 13-aniit 18-anut peqataaffigaat. Kina, San Marino, Schweiz, Marokko U21 aamma Frankrigi U23 peqataapput. Unammersuarneq sioqqullugu Zagrebimut sungiusariarlutik Dinamo Zagrebilu unammissavaat.

KAK tusagassiutitigut nalunaarummi allappoq.

- Nunat pioreersut naapillugit nunanilu allani ineriartornerput takussallugu pissanganassaaq.

- Europami unammisartutut unamminissamut periarfissaqartiginngilagut, unammisartulli unammisussaasavut unammilluarsinnaavavut. Marokko U21 unammissallugu ajornakusoorpoq, angutit nunarsuarmi arsartartut pitsaanerpaat tallimat akornanniimmata, unammisartulli ilaat siornatigut naapisimavavut misilittagaqarfigalugillu, nunanut allanut unammisartunut sungiusaasoq René Olsen oqarpoq.

Futsal Weekimut piareersarlutik unammisartut oktobarip 9-annit 13-annut Zagrebimiissapput, tassanilu Dinamo Zagreb sungiusassavaat unammeqatigissallugulu. Piareersarnerminni unammisartut unammersuarneq aallartinnginnerani futsalimi pikkorissunik unammisaqattaarnissamut periarfissaqarput.

- Nunanut futsalimi unammisartunut attaveqarluarnerput pissutigalugu klubbi Champions Leaguemi aalajangersimasumik unammisartoq nunanullu allanut unammisartunik arlalinnik sungiusaasoq naapissinnaasimavarput. Tamanna ineriartorluarsimanitsinnut nunanilu allani tusaamaneqarluarnitsinnut takussutissaavoq, René Olsen oqarpoq.

Unamminerit aallarniutaasut saniatigut timersoqatigiit katillugit pingasunik unammissapput.

Unammisartut

1 Aqqalooraq Møller-Lund

2 Henning Wind

3 Rass Abelsen

4 Patrick Frederiksen

5 René Eriksen Petersen

6 Søren Kreutzmann

7 Angutivik Gundel-Collin

8 Inutsiaq Davidsen

9 Niklas T. Johansen

10 Max Filemonsen

11 Salik Hasselriis

12 Kale Fleicher

13 Victor Egede Philbert

14 Jonathan Rosing

15 Niklas Thorleifsen

16 Ilmari Rosing

17 Aiko Nielsen

18 Bastian Wangenhei

kroatia kalaallit nunaanni angutit nunanut allanut unammisartut futsal week futsal timersorneq rené olsen

Atorfiit tamaasa takukkit

PODCASTI

Powered by Labrador CMS