Pipaluk Lynge ataatsimiititaliami siulittaasutut tunuartoq

Inatsisartuni ilaasortaq Pipaluk Lynge (IA) USA-p ajornartorsiortitsinerani nunanut allanut sillimaniarnermullu ataatsimiititaliami siulittaasutut inatsisartuni qitiusumik inissisimaffeqarsimavoq.

Maanna politikkeri siulittaasutut tunuarluni Facebookikkut nalunaarpoq:

- Maanna Trumpimut USA-mullu tunngasoq naammassingajalerpoq.

-NASA-mi siulittaasutut tunuarniarlunga aalajangerpunga. Tunniussinnaasakka tamaasa tunniuppakka. Tamaasa, Pipaluk Lynge allappoq.

Politikerip sulinermini kalaallit inatsisartuni ilaasortat Folketingimi ilaasortat Kalaallit Nunaannut tunngatillugu pingaarutilinnik paasissutissinneqartarniassammata Folketingimi nunanut allanut tunngasunut ataatsimiititaliaq ataatsikkut ataatsimiittartoq angusimallugu erseqqissaavoq.

Pipaluk Lyngellu siulittaasuunerata nalaani USA-mi pisut pissutigalugit suleqataasimasut.

– Oqaaseqarnissamut piffissaq atorluarlugu tuniniagaannginnerput uteqattaarpara, nammineerluta aalajangiisinnaaniarluta sorsuuteqartarnerput, kalaaliuinnarnissarput kissaatigiuaannarsimagipput, taanna allappoq nangillunilu:

– Minguitsumik ineriartortitsinissaq, inuit pisinnaatitaaffii, aatsitassat niuernerlu pillugit suleqatigiikkusunnerput. Tamanna iluatsippasilerpoq.

Pipaluk Lyngep kina paarlatsigissaneraa Inatsisartut nittartagaanni suli saqqummiunneqanngilaq.