KL

DK

Kielsen Atassut naammagittaallioreersorlu: Suleriaaseq malinneqarpoq 

Inatsisartut 2025-mut nunatta karsiata naatsorsuutaasa akuersissutigineqarnissaat oqallisigimmassuk Atassummit oqaaseqanngitsoornertik Inatsisartut Siulittaaasoqarfiannut naammagittaalliuutigaat, ilaatigut suusupaginninneraallutik.  Oqaaseqanngitsoornermili Atassut nammineq piumasaqarnermini imminut pisarisimasoq paasinarsivoq. 

Inatsisartut Siulittaasuat Kim Kielsen (ATT.) Atassut sooq oqaaseqanngitsoornersoq pillugu pappilissat atorlugit nassuiaavoq.
Arnaq Nielsen Arnaq Nielsen tusagassiortoq
Saqqummersinneqarpoq

Inatsisartut 2025-mut nunatta karsiata naatsorsuutaasa akuersissutigineqarnissaat ippassaq piffissami sivisuumi oqallisigiinnanngilaat, aqqutaanimi marloriarluni Kultureqarnermullu Naalakkersuisumut tatiginninnginnermik taasititsisoqariaraluarpoq. 

Tamanna sioqqullugu Naalakkersuisunut aamma tatiginninnermik taasisitsisoqariaraluarpoq.

Inatsisartut 2025-mut nunatta karsiata naatsorsuutaasa akuersissutigineqarnissaat ippassaq piffissami sivisuumi oqallisigiinnanngilaat, aqqutaanimi marloriarluni Kultureqarnermullu Naalakkersuisumut tatiginninnginnermik taasititsisoqariaraluarpoq. 

Tamanna sioqqullugu Naalakkersuisunut aamma tatiginninnermik taasisitsisoqariaraluarpoq.

Tatiginninnginnermut taasititsinerit aappassaat takkummat Naalakkersuisoqatigiit partiivi tatiginninnginnermut pinngitsoortitsiniarlutik siunnersuuteqarnerminni ima naggasiipput: 

"Taamaattumik siunnersuutigaarput Inatsisartut immikkoortup 11/UKA 2026-p, 2025-mut Nunatta Karsiata naatsorsuutaasa akuersissutigineqarnissaat pillugu oqaluuserineqarnera naammassillugu taasissutigineqarnissaa."

Naalakkersuisoqatigiillu partiivi taama piumasaqarmata, piumasarineqarnera ataqqillugu oqaluuserineqartup taasissutigineqarnissaa Inatsisartut Siulittaasuata, Kim Kielsenip, aalajangiuppaa. 

- Uanga oqarusuppunga tamat oqartussaaqataanerat malittarisassat malillugit taqqamani pivoq.

Siuliini oqaluuserisaq nangeqqugaat 

Atassut oqaluuserineqartumi oqaaseqartiminnik saqqummiussisussatut kisiartannguuttorlu taama pisoqarmat, nunatta karsiata 2025-mut naatsorsuutai pillugit oqaaseqanngitsoorpoq. Tamannalu Inatsisartut Siulittaasoqarfiannut naammagittaalliuutigaat.

Atassut sinnerlugu inatsisartunut ilaasortaq Bentiaraq Ottosen Facebookikkut quppernermini ilaatigut ima allappoq. 

- Tamanna inuit tamat oqartussaaqataaneranut suussupaginninnertut taaneqarsinnaavoq aammalu Atassutip partiittut ataqqinassusaa innarlerneqarnera. 

Ippassaq tatiginninnginnermut taasititsinermi siullermi pinngitsoortinniarlugit naalakkersuisoqatigiit siunnersuuteqaramik naggasiutigalugu oqaatsit ukua atorpaat: 

"Taamaattumik siunnersuutigaarput Inatsisartut immikkoortup 11/UKA 2026-p oqqaluuserineqarnera nangissagaat." 

Uani allakkiami takuneqarsinnaavoq partiit naalakkersuisuutitaqartut oqaluuserisap naammassillugu taasissutigineqarnisaa piumasarigaat. Atassullu piumasaqartunut ilaavoq.

Oqallinnerli nanginneqanngitsoorpoq, ingerlaannartumimmi tatiginninnginnermut taasititsinerit aappassaat saqqummiunneqarpoq, taamaattumillu oqallisigineqartup taasissutigineqarnissaa pinngitsoortitsiniartut piumasarineqarluni. Tassanilu pinngitsoortitsiniartuni Atassut, Demokraatit Inuit Ataqatigiillu atsiortuupput. Taamaammat Atassut, oqallisigineqartup taasissutigineqarnissaanut piumasaqaqataavoq. 

- Suleriaaseq malipparput, avaqqutinngilarput. Oqaaseqaatit taakkua takuneqarsinnaapput. Aqutsisutut suleriaaseq malillugu pisussaaffeqarpunga qanoq ingerlatissallugu. Ersareqqissaarput malitassakka. Taanna najoqqutaralugu ingerlasoqarnikuuvoq, Kim Kielsen taama oqarpoq. 

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inuiaqatigiit kim kielsen tatiginninnginnermut taasititsineq nunatta karsiata naatsorsuutai inatsisartut atassut

Atorfiit tamaasa takukkit

PODCASTI

Powered by Labrador CMS