Politiit qatserisartullu Nuummi ammoniakimik kuuttoornermut ornigupput

Politiit qatserisartullu Nuup ilaani Qeqertani ammoniakimik kuuttoqarmat marlunngornermi ullaap tungaani ornigupput.

Politiit Facebookimi quppernermini nalunaaqutaq 11.00 sioqqutitsiarlugu taama nalunaarput.

– Politiit qatserisartullu Nuummi Qeqertani RAL-ip illutaata eqqaaniipput. Pisoq paasiniarsarivarput. Piffimmi innersuussutigut malissigit, politiit allapput.

Politiit nalunaarutertik kingorna nutarterlugu sumiiffimmi navianartorsiortoqarunnaarlunilu kuuttoq unitsinneqarmat assersuisoqarunnaartoq paasissutissiissutigaat. Politiilli suli misissuillutik sumiiffimmiipput.