Politiit toqutseriartorsimaneranik suliamik misissuipput

Ilulissani politiit toqutseriartoqarsimaneranik suliaqarlutik paasiniaapput.

Kalaallit Nunaanni Politiinit marlunngornermi ualikkut taama nalunaaruteqarput.

Suliaq pillugu politiit ullumi decembarip 30-ani nal. 09.34 nalunaarfigineqarput.

- Politiit sumiiffimmiipput misissuillutillu, pissutsillu tunngavigalugit suliaq toqutseriaasoqarsimaneratut nalilerneqarpoq, politiit allapput.

Angut 71-inik ukiulik, suliamut attuumassuteqarsinnaasoq, angummillu 46-nik ukiulimmik toqutseriarsimasutut pasineqartoq tigusarineqarsimasoq, politiit nalunaaruteqarput.

Suliamut tunngatillugu Kalaallit Nunaanni Politiit maannakkorpiaq annerusumik oqaaseqarsinnaanngillat.