Qallunaat biilersinnaanermut allagartaat Kalaallit Nunaanni nutaanik malittarisassaqalersoq
Malittarisassat allanngortinneqassapput, taamaasilluni qallunaat biilersinnaanermut allagartaat Kalaallit Nunaanni atorsinnaalissallutik.
Danmarkimiit Kalaallit Nunaannut siunissami nuuttussat biilersinnaanermut allagartaat atorneqarsinnaassaaq.
Assi: Kristian Djurhuus/Ritzau Scanpix
Angallannermut Aqutsisoqarfik Kalaallit Nunaanni biilersinnaanermut allagartat pillugit nalunaarummik nutaamik saqqummiusseqqammerpoq. Malittarisassat nutarternerat 2026-mi apriilip aallaqqaataani atuutilissapput.
Allannguinermi Danmarkimi biilersinnaanermut allagartat Kalaallit Nunaanni atorneqarsinnaalissapput.
– Tassa imaappoq qallunaatut biilersinnaanermut allagartallit Kalaallit Nunaanni najugaqalersut kalaallit biilersinnaanermut allagartaannik pisaartariaarutissapput, aqutsisoqarfik uppernarsaavoq.
– Kalaallit Nunaanni innuttaasut nunami biilersinnaanermut allagartaannik pissarserusukkunik suli piniarsinnaassapput.
Aammattaaq teoriimik misilitsinnermut tunngatillugu allannguisoqassaaq:
– Nalunaarummi malittarisassat nutaat malillugit Kalaallit Nunaanni Politiit teoriimik misilitsitsinerit allattariarsornermik ingerlattalissavaat, taamaalilluni biilersinnaanernik allagartartaarusuttut arlallit ataatsikkut misilitsissinnaanngussallutik, Angallannermut Aqutsisoqarfik paasissutissiivoq.
Kalaallit Nunaanni aqqusinikkut angallannermut tunngasunut susassaqarfik angerlaanneqarnikuunngimmat, biilersinnaanermut allagartaqarnermut malittarisassat naalagaaffiup akisussaaffigai.
Allannguutigineqartulli Kalaallit Nunaata Danmarkillu oqaloqatigiinnerisut suliarineqarput.
