ULLORMUT NALUNAARUSIAQ
Qeqertarsuarmi aningaasaasivimmut tillittoqartoq Nuummilu fiistertut eqqissiviillioortitseqisut
Kalaallit Nunaanni Politiit ulloq unnuarlu kingullermi ulapaarput. Ingammik Nuummi, tassani unnuap ingerlanerani inuit sisamat tigusarineqarlutillu isertitsivimmiitinneqarput.
Nuummi politiit tallimanngornerup unnuaani ulapaarput.
Assi: Oscar Scott Carl
Qeqertarsuarmi tillinniartoqarsimasoq sisamanngornermi decembarip 18-ianni nalunaaqutaq 10.08 nalunaarutigineqarpoq. Aningaasat amerlasuut 14.700 koruunit Kommune Qeqertallip aningaasaasivianiit tillinneqarsimapput.
Inuusuttut klubbiata aningaasaatigai, kommunimiitinneqarlutilli. Kalaallit Nunaanni Politiit maannamut pasisaqanngillat, sulilu misissuillutik.
Poltiiiniit Thomas Jeppesen oqarpoq.
Taanna pisoq politiit ullormi kingullermi suliassaasa ilaannaraat.
Maniitsumi arsaattarfimmi nakuusertoqarsimavoq. Inuk kiinnamigut tillunneqarsimavoq, pissutissaqaranilu nakuusersimasututut politiinit oqaatigineqarpoq. Politiit suliami tassani pasisaqarput.
Nuummi ingasappallaammik fiistertoqartoq
Nuummi ulapaartoqarsimaqaaq. Inuit sisamat unnuap ingerlanerani tigusarineqarput isertitsivimmiitinneqarlutillu. Ilaatigut aalakoorsimasutut eqqissiviilliorsimanerallu pissutigalugu.
Taxartartoq inuk aalakoorpallaartoq biilimilu qaavaniit peerumanngitsoq nalunaaqutaq arfineq-marlunut nalunaarutigaa. Taanna tigusarineqarpoq eqqissiviilliortitsisimasutullu unnerluutigineqarluni.
H.J. Rinksvejimi inissiat ilaanni — immaqa ingasappallaamik — fiistertoqarpoq, tassanilu inuit pingasut unnerluutigineqarput.
Inuit ilaat peqqarniitsumik pissusilersortoq eqqissiviilliortitsisoq pillugu politiit nalunaaqutaq 21.40 aamma aggersarneqarput. Inuit marluk eqqissiviilliortitsisimasutut unnerluutigineqarput.
Pingajuallu ikiaroornartunik tigummiaqarsimasutut unnerluutigineqarpoq.
Aammattaaq Nuummi Qinngorpup isuani biilinik ajutoortoqarpoq. Inunnik ajoqusertoqanngilaq.
