Qupanuk Olsen Inatsisartuni ilaasortaajunnaavittoq

Qupanuk Olsen Inatsisartuni ilaasortat allattorsimaffiannit peerneqarnissani piumasaraa.

Qupanuk Olsen Inatsisartuullatsiarpoq. Politikikkut anguniakkani pillugu siunnersuuteqarpoq, tassa nalunaaquttat ingerlaaqatigiiffiisa allanngornissaat.

Toqqorsivimmit: Oscar Scott Carl

Thomas Munk Veirum Thomas Munk Veirum Thomas Munk Veirum Tusagassiortoq

Saqqummersinneqarpoq 14. Novembari 2025 - 12:01

Annonse

Qupanuk Olsen Naleqqameersoq Inatsisartuni ilaasortaajunnaarpoq.

Inatsisartut siulittaasuata Kim Kielsenip (S) ataatsimiinnerup ulluani kingullermi oqaluuserisassat saqqummiunneranni Qupanuk Olsenip qinigaaffimminit tunuavinnissamik kissaateqarnera saqqummiuppaa.

Qupanuk Olsen Sisimiuni KTI-mi, Tech College Greenlandimi, pisortatut atorfininnini pissutigalugu ukiakkut ataatsimiinnerup aallartinnerani sulinngiffeqarnissamik qinnuteqaataa akuerineqarpoq.

Qupanuk Olsenip sulinngiffeqarnini 2025-p naanissaanut atuuppoq, Inatsisartulli qinigaaffimminiit taassuma tunuarumanera tallimanngormalli akuersissutigaat.

Politikkimiit tunuavinnani sooq sulinngiffeqarniarnersoq Sermitsiap Qupanuk Olsen ukiakkut ataatsimiinnissaq sioqqutilaarlugu aperaa:

– Aqagumi ukiulluunniit marluk qaangiuppata qanoq pisoqassanersoq ilisimaneqanngilaq, taamaammat taamatut aaqqiisoqassasoq siunnersorneqarpunga, Qupanuk Olsen taamani oqarpoq. Taanna 202-nik qinerneqarnikuuvoq.

Taassua sinniisaa Isak Johannessen Naleraq sinnerlugu Inatsisartuni ilaasortannguippoq.