Amerikamiut Danmarkimi sinniisorinikuusaat demokratineersoq Rufus Gifford ataatsimeersuarnermi Future Greenlandimi ukioq manna oqalugiartussatut qaaqquneqarnikuuvoq.
Marlunngormat oqalugiarnissaa sioqqullugu Sermitsiamit oqaaseqartinneqarpoq, tassanilu Kalaallit Nunaata USA-llu akornanni pissutsit ilungersunarsinnaasarnerata nalaani Trumpip Kalaallit Nunaannut immikkut aallartitaa Jeff Landry aamma amerikamiut Danmarkimi sinniisuat Ken Howery maaneeqatigineri qanoq iginerai aperaarput.
Amerikamiut Danmarkimi sinniisorinikuusaat demokratineersoq Rufus Gifford ataatsimeersuarnermi Future Greenlandimi ukioq manna oqalugiartussatut qaaqquneqarnikuuvoq.
Marlunngormat oqalugiarnissaa sioqqullugu Sermitsiamit oqaaseqartinneqarpoq, tassanilu Kalaallit Nunaata USA-llu akornanni pissutsit ilungersunarsinnaasarnerata nalaani Trumpip Kalaallit Nunaannut immikkut aallartitaa Jeff Landry aamma amerikamiut Danmarkimi sinniisuat Ken Howery maaneeqatigineri qanoq iginerai aperaarput.
– Washingtonimit pissutsit quianaatsut tamaasa kamannaraakka, qularnanngilarlu ullumi tamanna eqqartornissaa. Amerikami innuttaasutut nunatta akornanni attaveqaatit pitsanngorsarniarlugit sapinngisannik iliuuseqassaanga, aamma kalaallit qallunaallu amerikamiorpassuarnit tapersersorneqarnerat eqqaasitsissutigerusuppara. Kalaallit Nunaat Trumpip aqutsinerani pissusiluffigineqartorujussuusoq isumaqarpunga, tamannalu aaqqinniarlugu sapinngisara tamaat iliuuseqassaanga.
Killissaq ataqqillugit
Rufus Giffordip Jeff Landry naapinnikuunngisaannarlugu aamma Kalaallit Nunaanniinnermini oqaloqatigisimanagu oqarpoq.
– Danmarkimi aallartitaqarpugut Nuummilu sinniisuutitaqarluta. Taamaattumik Kalaallit Nunaannut immikkut aallartitaqarnissaq isumaqanngitsoq isumaqarpunga. Taanna USA-mi guvernøritut atuuffeqarpoq, siornatigullu Kalaallit Nunaanniinnikuunngisaannarlunilu atorfilittatut misilittagaqanngilaq.
Rufus Gifford USA, Danmark Kalaallit Nunaallu qanoq iliornikkut pitsaanerpaamik siuariartoqarsinnaanera pillugu sulisoqartoq oqarpoq, taamaaliornikkut isumakuluutit, kissaatit killissarititaasullu ataqqillugit periarfissarsiortoqarluni.
– Isumalluarniarsarivunga. Trump ukiut marluk affarlu qaangiuppata præsidentiujunnaartussaanera maaniinninnut peqqutaaqataavoq. Piffissarlu maanna atugarput nalinginnaanngitsuusoraara. 2029-mi qanoq inissisimasoqassava? Kalaallit Nunaat USA-lu assigiinngitsorpassuarnik soqutigisaqaqatigiipput, tamannalu sorsuutigissallugu imminut akilersinnaavoq. Taamaaliortuassaangalu, Rufus Gifford oqarpoq.
