KL

DK

SAR-imik ujaasineq: Umiatsiaq nassaarineqarpoq - inuilli marluk suli ujaarineqarput 

Angalasut pingasut pingasunngormat ujaarineqalermata ataaseq Sermiligaarsummi, Paamiut Arsuullu akornanniittumi, ajunngitsoq nassaarineqarpoq. Allalli marluk suli ujaarineqartut suli ujaarineqartut politiit ilisimatitsissutigaat.

Arnaq Nielsen Arnaq Nielsen tusagassiortoq
Saqqummersinneqarpoq

Angutit inuusuttut pingasut tuttunniareerlutik ataasinngornermi utertussaagaluartut tikinngimmata pingasunngormat ujaasineq aallartinneqarpoq. 

Ataaseq ajunngitsoq Sermiligaarsummi pingasunngornermi unnukkut nassaarineqarpoq. Angalaqatai marluk suli ujaarineqartut politiit pigaartuisa pisortaat Hans-Peter Berthelsen tallimanngornermi ualikkut ilisimatitsivoq. 

- Massakkut helikopterimik Paamiuninngaanniit aallartoqaqqinnikuuvoq. Ujaasipput, Hans-Peter Berhelsen oqarpoq. 

Silap atoruminaannera peqqutigalugu imaatigut ullumikkut ujaasisitsisinnaanatik taassuma ilanngullugu oqaatigaa.

Umiatsiaq nassaarineqarpoq 

Ujaarineqartut ilaata Sermiligaarsummi pingasunngormat nassaarineqartup politiinut oqaluttuarnera naapertortorlugu ingerlaartillutik kassumut aporsimapput immamullu nakkarsimallutik. 

Umiatsiaq angallatigisaat Sermiligaarsuup kangerluani imaaniittoq pingasunngornermi nassaarineqarsimasoq politiit pigaartuisa pisortaata Sermitsiamut oqaluttuaraa.

- Umiatsiaq ippassaanili nassaarineqarnikuuvoq Paamiuliaanneqarnikuullunilu. Allanik nassaarnikuunngilagut, Hans-Peter Berthelsen oqarpoq.  Helikopterilu ullumi suli ujaasigallassaaq. 

- Helikopterimik ullumikkut ujaasineq qanoq inerneqassanersoq apeqqutaasorujussuuvoq, taassuma kingorna nalilerneqassaaq qanoq iliortoqassanersoq, Hans-Peter Berthelsen oqarpoq.  

Ujaarineqartut qanigisaat ilisimatinneqareerput. 

inuiaqatigiit umiatsiaq paamiut ujaasineq politiit sermiligaarssuk

Atorfiit tamaasa takukkit

PODCASTI

Powered by Labrador CMS