POLITIIT ULLORMUT NALUNAARUTAAT

SAR ujaasigaluartoq uiusup nuliani ujaarisaq nanigaa

Kapisilinni arnaq ippassaq unnukkut ujaarineqartoq ajunngitsoq unnuaq nassaarineqarpoq. Politiit annertuunik allanik suliaqarsimanngitsut, imigassartorsimallutilli iliuuseqartut annikitsukkaat arlaqartut suliarineqartut, pigaartut pisortaat oqaluttuarpoq.

- Taarsiartulereeriarmat qulimiguulik Kangerlussuarminngaannit ujaasitikkiartorparput, pigaartut pisortaat Sermitsiamut oqarpoq.

Foto: Oscar Scott Carl

Andreas Wille Andreas Wille tusagassiortoq

Saqqummersinneqarpoq 22. Aggusti 2026 - 10:55

Ussassaarut

Kalaallit Nunaanni Politiit ippassaq unnukkut nalunaaqutaq 21.05 sianerfigineqarput. Kapisilinni angutip nuliani akunnerit tallimat takusimanagu tammaagaa attaviginerlu ajuleraa nalunaarutaavoq.

- Taassuma kingorna SAR aallartipparput. Taarsiartulereeriarmat qulimiguulik Kangerlussuarminngaannit ujaasitikkiartorparput, pigaartut pisortaat, Hans Peter Berthelsen, Sermitsiamut oqarpoq.

Uiusoq kammalaatini peqatigalugu ujaaseqataasimasoq, taanna aamma oqarpoq.

- 01.55 sianerfigineqarpugut nassaarineqartoq. Arnaq Kapisilinnit 1 kilometerisut ungasitsigisup missaani nassaarineqarpoq. Pisuttuarujoorsimavoq kisianni taarsiartornerani sumiiffimminik paatsiveerussimalluni. Ajunngitsoq nassaarineqarpoq.

- Uiusup ikinngutaatalu arnaq ujaarineqartoq nassaaraat, qulimiguulillu Kangerlussuarmut uterpoq, Hans Peter Berthelsen oqarpoq.

Ussassaarut

Suliat allat, ullormi kingullermi politiit suliarisaat, annertugisassanngitsut pigaartut pisortaat oqarpoq. Suliat allat aalakoorluni pisuunerusut taassuma oqaatigaa. Soorlu angerlarniarlutik kukkusut kasuttorlutillu allat angerlarsimaffiinut iserniarsarisut.