Sermitsiami assiliisoq Ukiumi Tusagassiortut Assilisatsialaannut assiliisutut innersuunneqartoq

Nuummi USA-mut akerliussutsimik takutitsinermit assi 2025-mi Tusagassiortut assilisatsialaattut innersuunneqartunut tallimanut ilaavoq.

Assi una ukiumi tusagassiortut assilisatsialaattut innersuunneqartut tallimat ilagaat. Assi 2025-mi marsimi nuna tamakkerlugu Qaanaamit Tasiilamut Nuummullu akerliussutsimik takutitsinermit assilisaavoq. Akerliussutsimik takutitsineq Nuummi Amerikamiut konsulateqarfiata saavanut killippoq.

Assi: Oscar Scott Carl

Thomas Munk Veirum Thomas Munk Veirum Thomas Munk Veirum Tusagassiortoq

Saqqummersinneqarpoq 6. Februaari 2026 - 11:06

Annonse

Assi Nuummi assilisaq ukioq manna tusagassiortut assisatsialaattut innersuunneqarpoq.

Tamanna tusagassiortut assiliisartuisa kattuffiata tallimanngormat nersornaammut innersuunneqartut tallimat saqqummiummagit erserpoq.

Assit tallimat ilaat ataaseq Sermitsiami sulisumit Oscar Scott Carlimit assilineqarsimavoq.

Assi USA-mut akerliussutsimik takutitsinermi, marsip 15-iani 2025-mi pisumi, assilisaavoq.

Tusagassiortut assiliisartuisa kattuffia assip toqqarneqarnera pillugu ima allappoq:

„Kalaallit Nunaat sorsunnersuup kingulliup kingorna Danmarkip nunanut allanut politikkimut tunngatillugu ajornartoornerit annersaasa qiterpiaraat, unammillernartulli aamma kalaallinik maaniittunik paasinnilluartitsillutillu minnerunngitsumik ataatsimoorfigeqatigiinneq nutaaq pilersippaat, soorlu Oscar Scott Carlip Nuummi akerliussutsimik takutitsinermit assilisaa pingaarutilik taama takutitsisoq.“

Assiliisutut tusagassiortoq: Pisoq oqaluttuarisaanermi pingaarutilik peqataaffigalugu killitsinaqaaq

Assip taassumarpiaq toqqarneqarsimanera pingaaruteqartoq Oscar Scott Carl oqaluttuarpoq:

- Pisoq oqaluttuarisaanermi pingaaruteqarpoq, pisorlu taanna kikkorpassuarnit eqqaamaneqassaaq. Assi ukiumi tassani Kalaallit Nunaanni pisunut ilisarnaataalluarpoq, Oscar Scott Carl innersuunneqarnini pillugu oqarpoq nangillunilu:

- Taama amerlatigisut ingerlaaqataanerat piffissami ilungersunartumi Kalaallit Nunaanniittunullu amerlasuunut suli ilungersorfiusumi ataatsimoornermik ersersitsivoq. Inoqangaarmat nunagisamik erliginninneq malugineqarsinnaammat peqataaffigalugu killitsinaqaaq, Oscar Scott Carl oqarpoq.

Ukiumi Tusagassiortut Assilisatsilaatut toqqaanissaq Københavnimi Den Sorte Diamantimi marsip arferngani ingerlanneqassaaq.