Siulittaasup Mads Pedersenip akisussaaffii tigugai

Mads Pedersenip Naalakkersuisunit tunuarnerata kingorna, Naalakkersuisut siulittaasuata Jens-Frederik Nielsenip akisussaaffiit nutaamik agguarneqarnissaasa tungaanut akisussaaffigilerpai.

Jens-Frederik Nielsenip Mads Pedersenip naalakkersuisuuffii akisussaaffigilerpai.

Assi: Oscar Scott Carl

Thomas Munk Veirum Thomas Munk Veirum Tusagassiortoq

Saqqummersinneqarpoq 10. Decembari 2025 - 08:47

Ussassaarut

Naalakkersuisup Mads Pedersenip tunuarnini KNR-imut marlunngornermi ualikkut oqaatigaa, taassumalu tunuarnera Naalakkersuisut pisortatigoortumik unnukkut nalunaarutigaat.

Naalakkersuisut siulittaasuata Jens-Frederik Nielsenip (D) Mads Pedersenip Naalakkersuisunit tunuarnissamik qinnuteqaataa marlunngornermi akuerigaa, tassani paasissutissiissutigineqarpoq.

Naalakkersuisut siulittaasuata Mads Pedersenip Meeqqanut, Inuusuttunut, Ilaqutariinnut Nunamullu Namminermut Naalakkersuisoqarfii, Naalakkersuisuni akisussaaffiit nutaamik agguarneqarnissaata tungaanut, akisussaaffigilerpai.

Bentiaraq Ottosenip (A) novembarip 21-ani tunuarnerata kingorna akisussaaffiit arlallit Naalakkersuisunut allanut aamma agguarneqarnikuupput.

Mads Pedersen ilaquttani eqqarsaatigalugit atorfimminit tunuarniarluni nalunaarpoq.

Ussassaarut

- Iperarsinnannginnakkit suliakka. Taakkua angerlaattarakkit. Taava angerlarsimagaangama meeqqama oqaluukkaannga tusaagaluarlugit paasinngitsoortarakkit, Mads Pedersen KNR-imut oqarpoq.