Tangiartuisarfimmut tillinniartoqartoq – tillitat ujaarineqarput

Kalaallit Nunaanni Politiit ullormi kingullermi suliassaqaalussimasut pigaartut pisortaat Aputsiaq Hansen oqarpoq.

Nuummi tangiartuisarfik tillinniarfigineqarsimasoq politiit sisamanngornermi nal. 09.57 nalunaarfigineqarput.

Sisamanngornerup ullaassaani tillinniartoqarsimavoq, aningaasaasiviillu marluk, qarasaasiaq nakkutilliisutillu tillinneqarput.

Politiit kikkut tillinniartuusimasinnaanerannik suli pasisaqanngillat. Politiit tillinniarnermit pissarsiaasinnaasunik pasitsaassisut, soorlu Facebookikkut aqqusinermiluunniit tuniniarneqartunik, tusarfigerusukkaat Aputsiaq Hansenip oqaatigaa.

Tillinniarnerit saniatigut politiit nuna tamakkerlugu assigiinngitsunik suliaqarpoq, ilaatigut aqqusinermi eqqissiviilliornerit, angerlarsimaffinni eqqissiviilliornerit, aalakoorpallaartut nakuusernerillu pillugit nalunaarutinik arlalinnik tigusaqarsimasut, pigaartut pisortaat oqarpoq.