KL

DK

Timmisartortartup ajunaartup timaa Sermitsiamiit aqqarneqartoq

Timmisartup Nuup eqqaani nakkartup anguneqariaannaanngitsumiittup nassaarineqarneraniit sapaatip-akunnera qaangiuttorlu, timmisartortartup ajunaartup timaa oqartussanit aqqarneqarpoq.

Timmisartoq Sermitsiamut arfininngornermi oktobarip 25-ani nakkarpoq. Timmisartortartup ajunaartup timaa illersornissaqarfik ikiortigalugu novembarip arfineq-appaani aqqarneqarpoq.
Hanna Hviid
Hanna Hviid Hanna Hviid Hanna Hviid Tusagassiortoq
Saqqummersinneqarpoq

Timmisartuaraq ataatsimik ilaasoqarlunilu motoorilik Nuup eqqaani Sermitsiamut arfininngornermi oktobarip 25-anni nakkarpoq.

Timmisartoq ullut marluk qaangiummata anguneqariaannaanngitsumiittoq sumissusersineqarpoq, nakkarneranilu annattoqarsimanngitsoq nalunaarutigineqarluni.

Timmisartortartoq ajunaartoq qeqertamiit Sermitsiamit tallimanngorneq novembarip arfineq-aapaani aqqarneqarpoq.

Kalaallit Nunaanni Politiit tusagassiuutitigut taama nalunaaruteqarput.

Kalaallit Nunaanni upalungaarsimanermut oqartussat illersornissaqarfik ikiortigalugu timmisartumut nakkarfianukarsinnaasimapput. Sumiiffiup misissornerani timmisartortartoq ajungaarsimasoq nassaarineqarpoq.

Qanigisaasut paasitinneqareerput. Kalaallit Nunaanni Politiit pisoq pillugu oqaaseqaqqissinnaanngikkallarput.

Timmisartoq Canadamiit Nunatsinnukartuusoq ujaasinermik aqutsisuniit Naviarimiit siusinnerusukkut nalunaarutigineqarpoq. Timmisartup arfininngornermi oktobarip 25-anni ualikkut periarfeerunneqarnerani silarluppoq.

Naviair, Issittumi Sakkutooqarfik Kalaallillu Nunaanni Politiit ujaaseqataapput.

inuiaqatigiit Kalaallit Nunaanni politiit nuuk timmisartup ajunaarnera sermitsiaq

Atorfiit tamaasa takukkit

PODCASTI

Powered by Labrador CMS