KL

DK

Timmisartup aseqqukui pissutaallutik Sermersuup ilaani angallanneq inerteqqutaalersoq

Timmisartup aseqqukui Sermitsiamiittut sisooratarsinnaapput, timmisartullu ajutoorsimanerinik misissuisartut piffimmi suliaqarput.

Sumiiffik angallaffigeqqusaanngitsoq Politiinit maannakkut saqqummiunneqarpoq.
Thomas Munk Veirum Tusagassiortoq
Saqqummersinneqarpoq

Isumannaallisaaneq eqqarsaatigalugu, piffissami juunip 29-aniit 2026 – septemberip 29-at 2026 tikillugu Sermitsiami piffimmi aalajangersimasumi angalaarneq inerteqqutaalerpoq.

Taamatut Facebookimi allappoq Kalaallit Nunaanni Politiit.

Inerteqqut ukioq manna juunip 29-anniit septembarip 29-annut atuuppoq.

Politiit naapertorlugit Sermitsiami 2025-mi ukiakkut timmisartup ajutoornera inerteqqutaalerneranut pissutaavoq.

– Timmisartup aseqqukui maanna sumiiffimminniit suli nakkaaleratarsinnaapput, sulilu Timmisartunik ajutoorsimasunik misissuisartut piffimmi misissuisarput, Kalaallit Nunaanni Politiit allapput.

Politiit sumiiffimmi allagartalersuipput, kikkullu tamarmik imminut illersornissaat allallu isumannaatsuunissaat eqqarsaatigalugu allagartat maleruarneqqullugit kajumissaaripput.

Timmisartoq Sermitsiamiittoq oktobarip 25-ani 2025-mi ajutoormat timmisartortartoq kisimiilluni ajunaarpoq. Timmisartortartup timaa ilaalu novembarip arfineq-aappaanni aaneqarput.

Oqartussaasut qaqqasiorlutik suliaqarnerminni ilisimatitsipput, timmisartoq ajunaartoq tikikkuminaatsumiittoq.


timmisartup ajutoornera kalaallit nunaanni politiit inuiaqatigiit angalaarneq inerteqqutaasoq timmisartup aseqqukui sermitsiaq

Atorfiit tamaasa takukkit

PODCASTI

Powered by Labrador CMS