KL

DK

Ullormut nalunaarut

Toqungasumik nassaartoqartoq Nuummilu suli ujaasisoqartoq

Kalaallit Nunaanni Politiit nuna tamakkerlugu tallimanngornerup arfininngornerullu akornanni ulappussimaqisut, pingaartut pisortaat oqarpoq. Qaqortumi 30-it missaannik ukiulik imaani toqungasoq nassaarineqarpoq. Inuusuttuaqqat Nuummi suli ujaarineqarput. Nuummi innuttaasut quitik, angallatitik toqqortaasivitillu misissussagaat kajumissaarutaavoq.  

Kalaallit Nunaanni Politiit ulloq unnuarlu kingulleq ulappussimaqisut, pingaartuisa pisortaat, Sermitsiamut oqarpoq.
Andreas Wille Andreas Wille Tusagassiortoq
Saqqummersinneqarpoq

Kalaallit Nunaanni Politiit ulloq unnuarlu kingulleq suliassaaleqisimanngeqisut, pingaartuisa pisortaat, Carl Sværd, Sermitsiamut oqarpoq. Imigassartorsimalluni iliuusaasut nuna tamakkerlugu ulapputaasimaqisut taassuma oqaluttuaraa.

- Imigassartorsimanerup kingunerisaanik Kalaallit Nunaat tamakkerlugu politiit ulapinnikooqaat, Carl Sværd oqarpoq.

Taassuma Qaqortumi alianartumik pisoqarnera aamma oqaluttuaraa. 

- Qaqortumi innummik toqungasumik, immami, sissami nassaartoqarpoq. Taanna maannakkut misissorneqarpoq, pingaartut pisortaat oqarpoq. 

Inuk toqungasoq 30-it missaannik ukioqartoq taassumalu angajoqqaavi kalerrinneqareertut, Carl Sværd oqarpoq. 

Politiit: Angallatisi quisilu misissulaarsigit

Nuummi inuusuttuaqqat marluk suli ujaarineqarput. Tassunga tunngatillugu Nuummi innuttaasut politiinit ujaaseqataanissaannik kajumissaarneqarput.

- Nuummi innuttaasut kajumissaarpagut quitik, angallatitik toqqortaasivitillu misissorlugit takulaassagaat, taakkunaneeriasaaqinammata, Carl Sværd oqarpoq.

inuiaqatigiit nuuk inuusuttuaqqat ujaarineqartut qaqortoq kalaallit nunaanni politiit toquneqarpoq

Atorfiit tamaasa takukkit

PODCASTI

Powered by Labrador CMS