Trumpip kannguttaatsuliorsimasutut pisuutinneqarnermi suliareqqitassanngortinnissaa USA-mi eqqartuussiviit qullersaannit itigartinneqartoq

USA-mi eqqartuussiviit qullersaannit USA-p præsidentiata Donald Trumpip suliaq, atuakkiortumut E. Jean Carollimut kinguaassiuutitigut kannguttaatsuliorsimasutut mamarliisimasutullu millionilikkaanik taarsiisussanngortinneqarnera pillugu, suliareqqitassanngortitsiniarnera ataasinngornermi itigartitsissutigineqarpoq.

CNN taama allappoq.

Eqqartuussut 1996-imi Amerikami illoqarfissuarmi New Yorkimi pisiniarfissuarmi Bergdorf Goodmanimi misiliisarfimmi pisimasumut tunngavoq.

Tassani Carroll Trumpimit pinngitsaalineqarsimanerarpoq.

Caroll Trumpip Truth Socialimi saqqummiussaani 2022-mi oktobarimi mamarlerneqartutut misigaaq, tassanimi Trumpip peqquserluttutut saqqummiuppaa.

Trumpip Carroll pinngitsaalisimagaa eqqartuusseqataasut uppernarsarneqanngitsutut nalilerpaat, kinguaassiuutitigulli kannguttaatsuliorfigineqarsimasutut 2,02 millionit dollarinik mamarlineqarneranullu 2,98 millionit dollarinik taarsiivigineqassasoq aalajangerpaat.

Eqqartuussiviit qullersaannit aalajangiisoqarnerata kingorna Trump Carrollimut 5 millionit dollarinik akiliisussanngortinneqarpoq.

33 millionit koruunit missaanniipput.

/ritzau/