Tusass: Illoqarfiit marluk internetikkut mobilikkullu atassuteqanngillat

Innuttaasut 5.000-t missaanniittut Uummanamiittut Upernavimmiittut taakkulu nunaqarfiiniittut, maannakkuugallartoq internetikkut mobilikkullu atassuteqanngillat. Tusassip aaqqiiniarneq ingerlappaa, ullullu qiteqqunnerani ilisimatitseqqissalluni.

Uummannami Upernavimmilu kiisalu taakku nunaqarfiini internetikkut mobilikkullu atassuteqanngilaq.

Foto: Signe Goldmann/Ritzau Scanpix

KASSAALUK KRISTENSEN KASSAALUK KRISTENSEN Digitalimik aaqqissuisoq

Saqqummersinneqarpoq 20. Septembari 2026 - 11:09

Ussassaarut

Uummannami Upernavimmiluunniit innuttaasumik attaveqarniarsimaguit, tamanna iluatsissimassagunanngilat.

Illoqarfinnummi taakkununnga marlunnut taakkulu nunaqarfiinut internetikkut mobilikkullu atassuteqanngilaq.

Nalunaarasuartaaserisoqarfiup Tusassip ajoqutaasoq iluarsiniarlugu teknikerinut piffinnukartitsisoqarnera ilisimatitsissutigaa. Sapaammi ullup qiterarnerani ilisimatitseqqittoqassasoq, nalunaarasuartaaserisoqarfiup ilisimatitsissutigaa.

Kalaallit Nunaanni Naatsorsueqqissaartarfiup paasissutissaatai malillugit Upernavimmi, Uummannami taakkulu nunaqarfiini inuit 4.754-t najugaqarput.

Upernavimmi politeeqarfik inuttaqartoq, tassanngaannartumillu kalerriinerit tassunga ornigulluni pisinnaanera, Kalaallit Nunaanni Politiit ilisimatitsissutigaat.