Tyfoni kineserit milliuunit qimarnunneqarnerannik kinguneqartoq

Tyfoni Dolphin sapaammi Kinap kangiata tungaani natsippoq, nunalu aappalaartumik – aarlerisaarutit sakkortunersaannik – aarlerisaarivoq.

Tusagassiorfiit AFP Reutersilu naapertorlugit nunami silasiornermi oqartussat taama ilisimatitsipput.

Kineserit Dolphinip natsinnissaanut piareersarput, nunamilu tassani inuit milliuuninit amerlanerusut qimarnussorneqareerput, avataani qilleriffinni sulisut isumannaannerusumut nuunneqareerlutik, timmisartullu tuusintilikkaat umiarsuillu ikaartaartut untritilikkaaat taamaatinneqarput. Qimuttuitsuttaaq taamaatitsinernik aamma eqqugaapput.

Nunami unnuisarfiit 1000-nit amerlanerusut tyfonip natsisimanerani ammatinneqarput.

Tyfon nunani kiattuni anorersuaavoq, taannalu Danmarks Nationalleksikonia malillugu naqitsiniisaffiuvoq sakkortooq.

Dolphin sialussuarmik nassataqarpoq, oqartussallu malilugit qarsutsisoqarnissaanut nunallu sisoornissaanut aarlerinaat annertuvoq. Ingammik nunami piffinni qaqqartuuni kuuillu sinaanni.

Sialussuarnissaanik aarlerisaarineq Kinap kangiani piffinni annertuuni ataasinngorneq ilanngullugu atuuppoq. Kingorna Dolphin Kinap qeqqani kujammullu kitaani sakkukillinnginnermini kimmut ingerlaassasoq, nunami silasiortut ilimagaat.

Kinap kujasinnerusortaa Dolphinimit anguneqareerpoq. Sila kissatserujussuarpoq, tamannalu silaannarmik kissartumik tyfonimit ajanneqartumik patsiseqarpoq.

Dolphin maannamut Kinamut ukioq manna tyfonini sakkortunersaavoq.

Dolphin nunamut anngunnissaa sioqqullugu Japanikkoorpoq. Tassani inuit arfinillit ikilerneqarput, nunamilu illut 50.000-init amerlanerusut innaallagiaarupput.