KL

DK

IMAANI QARLORTAAT

Uillup qaleruaa Portugaliminngaanneersoq sooruna Nunatta Katersugaasivianiittoq?

Allaanngilaq uillup qaleruaa Portugalimi sissami nassaarineqarsimasoq, Atlantikulli avannaata imartaani sakkortuumik atugassaqartitsisumi aalisarnerup oqaluttuarisaaneranut taanna ilaavoq. Nunatta Katersugaasiviata Allagaateqarfiatalu toqqorsiviani uillup qaleruaa angisooq ippoq, taannalu Kalaallit Nunaata imartaani Portugalimiut aalisartuinut putsernerani kalerrisaarutitut sumiissusersiutitut atorneqartarsimavoq. Uillup qaleruaa piffissami saarulliit inuiaqatigiinnik ataqatigiilersitsinerannut, kalaallillu inuiaqatigiit tunngaviatigut allanngortinneqarnerannik takussutissaavoq ersarissoq immikkuullarissorlu.

Ditte M. Kristensen Ditte M. Kristensen museumsinspektør Nunatta Katersugaasivia Allagaateqarfialu
Saqqummersinneqarpoq

Umiartornermut atortorissaarutit 1900-kkut aallartinneranni atorneqartartut eqqarsaatigigaanni pujorsiutit, naneruarfiit aalisarnermilu atortorissaarutit eqqaaneqarsinnaasarput.

Portugalimiulli aalisartut Canadap Kalaallit Nunaatalu akornanni imarpik aalisarfiginiarlugu, Atlantikoq ikaarlugu angalasartunut atortorissaarutit pinngortitameersut tutsuigiuminarnerpaajusimapput.

Umiartornermut atortorissaarutit 1900-kkut aallartinneranni atorneqartartut eqqarsaatigigaanni pujorsiutit, naneruarfiit aalisarnermilu atortorissaarutit eqqaaneqarsinnaasarput.

Portugalimiulli aalisartut Canadap Kalaallit Nunaatalu akornanni imarpik aalisarfiginiarlugu, Atlantikoq ikaarlugu angalasartunut atortorissaarutit pinngortitameersut tutsuigiuminarnerpaajusimapput.

Uillup qaleruaa qarlortaatitut imaluunniit pujorsiornermi sumiissusersiutitut qarlortaatitut atorneqartarnikoq Nunatta Katersugaasivianianiippoq.

Portugalimiut umiarsuaat aalisagaqarfissuarmut pigaangat aalisarneq aallunneqalersarpoq, taamaasineranilu umiatsiat mikinerusut initaqanngitsut dory-jollenik taaneqartartut imaannarsuarmut aalisariutissatut singinneqartarput. Taamaasiornikkullu ningittakkanik immap kultianik saarullinnik aalisalersarput.

Ussissumik putsileraangat umiarsuarlu umiatsiaaqqanit dorynit takuneqarsinnaajunnaaraangat, umiatsiaaraq ulorianartorsiulersarpoq. Taamaattoqartillugu uillup qaleruaa atorneqartarpoq. Uillup qaleruaa supuneqaraangat nipit qatituut immap qaavanit tusaaneqarsinnaasarput, taamaasiornikkullu umiatsiaaraq umiarsuarmut imaluunniit umiatsiaaqqanut allanut sumiinnini nalunaarutigisinnaavaa. Umiatsiaararlu saarullinnik aatsaat ulikkaarneqarpat, umiarsuarmut oqqunneqartarpoq tassanilu aalisakkat tarajorterneqarlutillu pequusivimmut iliorarneqartarput.

Saarulliit oqaluttuarisaanermi sunniuteqarnerat

Portugalimiut uillut qaleruaat tigumiarlugit sooq Kalaallit Nunaata imartaaniittarnerat paasiumallugu piffissaq kingumut utertittariaqarparput, saarulliimmi ukiuni hunnorujukkuutaani nunarsuarmi tamarmi aalisarnermi pingaarutilimmik inissisimapput.

Portugalimiut imarsiortut 1400-kkut naalerneranniilli Atlantikoq ikaartarsimavaat.

Europap kujasissuani katuullit nunaanni ukiumut ullut 160-it missaanni neqitornaveersaartarput, taamaattumillu saarulliit nerisarissallugu pitsaalluinnartuusimalluni.

KATERSUGAATIT ILAAT

  • Suussuseq: Uillup qaleruaa (qarlortaatitut imaluunniit putsernerani sumiissusersiornermi qarlortaatitut atorneqartartoq).

  • Oqaluttuarisaanera: Portugalimi aalisartut umiatsiaararsorlutik aalisarnerminni umiarsuarmut nalunaarnerminni atortagaat.

  • Aallaavik: K. Egedemit Færingehavnip kujataani aalisartumit Portugalimiuusumit 1961-imi nassaarineqartoq Nunatta Katersugaasivianut Allagaateqarfianullu tunniunneqartoq.

  • Imarisaa: Nunat tamalaat akornanniit Kitaata imartaani saarullinniarneq 1960-ikkunni annertunerpaavoq, Færingehavnilu nunat tamalaat akornanni aalisariutaannut qitiusumik umiarsualiviuvoq.

  • Maannakkut sumiiffia: Nunatta Katersugaasivia Allagaateqarfialu, oqaluttuarisaanermut nutaaliaanerusumut tunngasunik toqqorsivik.

Saarulliit orsoqarpallaannginnerat pissutigalugu – assersuutigalugu kapisilinnut sanilliullugu – panertinneqarlutillu tarajortierneqarsinnaapput, taamaalillutik nillataartinneqaratik qaammatini arlalinni uninngasinnaallutik. Bacalhau (aalisakkat tarajortikkat) Portugalimi inuiaqatigiit nerisarivaat proteininillu annertuunik pissarsissutigisarlugit.

Kalaallit Nunaanni aalisarneq aallartimmat

Europamiut Atlantikup avannaani aalisakkanik ukiuni hundrhunnorujukkuutaani aalisartarsimapput, pissutsilli 1900-kkut aallartinneranni allanngorluinnarput. Kalaallit Nunaanni allannguineq annertooq aallartippoq, aalisarneq ilaqutariit ataasiakkaat aningaasaqarnerannut iluaqutaasareerluni, inuiaqatigiinnut iluaqutaasumik nunami inuussutissarsiutit annersarilerpaat.

Portugalimi umiartortut kalaallillu aalisartut imaq anorersuarsiorfiusoq ataatsimut taamanikkut aalisarfigisalerpaat. Portugalimiut imarpiup avasissortaani aalisartarput. Umiatsiaararsorluni aalisarnerup atuutilersinneqarnerani, taratsersuisarfinnik, tunisassiorfinnillu pilersitsiortornikkut nutaaliaasumik aalisariuseqarneq Kalaallit Nunaanni aallartinneqarpoq. Saarulliit aningaasaqarnermut qitiusutut inissisimalerput, ilutigisaanillu inuiaqatigiit nutaaliaasut tunngavilerneqarput.

Takussutissaq kisiartaasoq

Nunatta Katersugaasiviata imaaniit katersugaatai, inuit imaani uummaniarnikuunerannut inuussutissarsiuteqartarsimanerannullu uppernarsaatinik ulikkaarpoq. Kalaallit Nunaata imartaata oqaluttuassartaanik immikkut takussutissiisuut, qaannat, umiat, sumiissusersiutit aalisarnermilu atortorissaarutit katersorneqarsimapput.

Uillup qaleruaa katersugaasivimmi kisiartaavoq. Kalaallit danskillu kulturiannik oqaluttuarisaanermut ilaanngikkaluarluni ullumikkut uagutsinnut pingaaruteqarluinnarpoq. Taanna Kalaallit Nunaata imartaa nunarsuaq tamakkerlugu ukiuni hunnorujukkaani inuussutissarsiorfigineqartarneranit, aalisagaq ataaseq inuiaqatigiit assigiinngitsorpassuarnit nagguillit aalisartarsimanerannut takussutissiivoq.

Uillup qaleruaa toqqorsivimmi ittoq qimerlooraanni, Issittup imartaani saarulliit pissaaneqarfianni putsersumi qarlortaatatigineqarnerata akisuanera takorloorneqarsinnaavoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

saarulliit nunatta katersugaasivia inuiaqatigiit atlantikoq uillup qaleruaa placed portugalimiut aalisartut

Atorfiit tamaasa takukkit

PODCASTI

Powered by Labrador CMS