Ukiakkut ataatsimiinnermi EU pillugu siunnersuut tunuartinneqartoq

Justus Hansen naapertorlugu isumannaallisaanermut nunanullu allanut tunngasunut ataatsimiititaliaq EU pillugu immikkoortumut aappaagu allannguutissaminik siunnersuuteqassaaq.

Siunnersuuteqartup Justus Hansenip (D) siunnersuutini tunuartippaa.

Foto: Leiff Josefsen

Hanna Hviid Hanna Hviid Hanna Hviid Tusagassiortoq

Saqqummersinneqarpoq 10. Novembari 2025 - 13:45

Annonse

AAMMA ATUARUK

Immikkut ilisimasallip EU pillugu taasisoqarnissaa ilimaginngikkaa

Inatsisartuni politikkerit EU-mut ilannguteqqinnissap iluaqutissartai ajoqutissartaalu pillugit oktobarimi nalunaarusiortoqarnissaa oqallisigilerpaat.

Siunnersuut Justus Hansenimit (D) saqqummiunneqarpoq, siullermeerneqareersorlu isumannaallisaanermut nunanullu allanut tunngasunut ataatsimiititaliamut ingerlateqqinneqarpoq.

Siunnersuulli aappassaaneerneqartinnagu tunuartinneqarpoq.

Justus Hansenip Sermitsiamut allakkatigut akissuteqarluni siunnersuutimi tunuartissimanera uppernarsarpaa.

- Ataatsimiititaliami ilaasortallu siunnersuutinnut pitsaasumik allannguuteqarnerput pissutaavoq, allappoq. Justus Hansen ataatsimiisitaliami ilaasortaavoq.

Taanna naapertorlugu siunnersuut ukiaanerani ataatsimiinnerup immikkoortuata aappaani, tassa ukiuunerani ataatsimiinnermi februaarimi 2026-mi aallartittussami, oqaluuserineqartussaavoq.

Sermitsiap Sillimaniarnermut Nunanullu Allanut Ataatsimiititaliami siulittaasoq Pipaluk Lynge (IA) attaveqarfigaa. Siunnersuuteqartumulli attaveqarnissaq taassuma innersuutigaa.