KL

DK

Ukiussaq nalliutilerpoq — maanna nalunaaqutaq kinguartissavarput

Aasaanerani nalunaaqutaq Unnugu atorunnaassaaq, taamaammat nalunaaqutaq nikisissavarput.

Aasaanerani nalunaaqutaq ullumikkut atorunnaassaaq, ukiukkullu nalunaaqutaq atuutilissalluni.
Hanna Hviid Hanna Hviid Journalist
Saqqummersinneqarpoq

Tassa unnugu nalunaaqutaq unnuap qeqqarpat akunnermik ataatsimik aqqanernut kinguartissavarput.

Tassa aqagumit seqineq nalunaaquttap-akunneranik siusinaartumik nuisalernissaanik tamanna isumaqarpoq.

Tamanna Kalaallit Nunaata annersaani atuutissaaq. Silasiorfik Danmarkshavni aamma Pituffik Space Base allanik malittarisassaqarput.

Inatsisartut aasaanerani nalunaaqutaq atorunnaarsinneqarnissaa ukiakkut ataatsimiinnermi matumani oqaluuserissavaat. Tamanna partiinit amerlanerussuteqartunit tapersersorneqarpoq, Inatsisinut Atuutsitsinermut Ataatsimiisitaliap siunnersuut misissoqqissaarmagu inaarutaasumik aalajangiinissaq kinguartinneqaqqippoq.

Inatsisartut aasaanerani nalunaaqutaq atorunnaarsinngippassuk, tulliani arfininngornermi marsip 27-ani 2027-mi nalunaaqutaq unnukkut qulingiluanut nalunaaquttap-akunneranik siuartissavarput.

KALAALLIT NUNAANNI NALUNAAQUTTAT INGERLAAQATIGIIFFII

Kalaallit Nunaanni nalunaaquttap ingerlaaqatigiiffii assigiinngitsut pingasuupput.

Nunap annersaani UTC-2-uvoq.

Pituffimmi sakkutooqarfik Amerikap kangiata nalunaaqutaa malillugu UTC -4-miippoq.

Tunumi Nationalparkimi silasiorfik Danmarkshavn UTC +0-miippoq.

Kitaani Tunumilu nalunaaquttap ingerlaaqatigiiffia UTC -3-mit UTC -2-mut 2023-mi oktobarimi allanngortinneqarpoq.

Ittoqqortoormiit 2024-mi marsimi UTC-1-imit UTC-2-mut aamma nuuppoq.

Danmarkshavni Pituffillu Space Baselu kisimik pinnatik nunap sinnerani aasaanerani nalunaaqutaq atorneqarpoq.

kalaallit nunaat ukiuunerani nalunaaqutaq inuiaqatigiit inatsisartut aasaanerani nalunaaqutaq nalunaaqutaq

Atorfiit tamaasa takukkit

PODCASTI

Powered by Labrador CMS