Umimmanik Avannaanut nuussinissaq oqaluuserineqassasoq

Avannaata Kommuniani borgmesterip Lars Erik Gabrielsenip najukkami neqissaqarniarnermut iluaqutaasussamik Nunatarsuarmi Ilulissat kangianniittumi umimmannik nuussinissaq kissaatigaa.

Ilulissat kangiani umimmannik nuussisoqarnissaa Avannaata Kommuniani kissaatigineqarpoq. Tamanna kommunalbestyrelsip ataatsimiinnissaani oqaluuserineqassaaq.

Toqqorsivimmit assi: Leiff Josefsen

Jørgen Schultz-Nielsen Jørgen Schultz-Nielsen Jørgen Schultz-Nielsen TUSAGASSIORTOQ / TUSAGASSIORTOQ

Saqqummersinneqarpoq 11. Februaari 2026 - 10:16

Annonse

Umimmannik Avannaata Kommunianut nuussinissamut siunnersuut Aalisarnermut Piniarnermullu Ataatsimiititami aamma Aningaasaqarnermut Ataatsimiititami taperserneqareersimavoq. Kommunalbestyrelsip siunnersuut februaarip 13-iani aalajangiiffigissavaa.

- Umimmaat amerliartupallattarnerat ilisimaneqareerpoq, tamannalu 1989-imi Arfertuarsuup eqqaani Siggumimi (Svartenhukimi) umimmaat 30-t missaanniittut nuutinneqarmata misilittagaqarfiuvoq, tamatuma kingornalu amerliartupiloorsimapput, najukkamilu neqissaqarniarnermut iluaqutaapput, nalunaarusiami allassimavoq.

Siunnersuut pisariaqartumik tapersersorneqassappat kommuni periarfissanik misissuiniarluni Namminersorlutik Oqartussanut saaffiginnissaaq.

Siunnersuut Aalisarnermut Piniarnermullu Ataatsimiititami suliarineqarmat aalisartut isumannaatsumik aalisariarsinnaanissaasa qulakkeerneqarnissaa, tamatumalu misissorneqartariaqarnera erseqqissarneqarpoq. Aningaasaqarnermut Ataatsimiititami naalakkersuisooqatigiit Siumut aamma Naleraq Naternami Siggumilu umimmaat kisinneqarnissaat kissaatigisimavaat.

Tamanna kommunalbestyrelsip immikkut ittumik februaarip 13-ianni ataatsimiinnerani oqaluuserineqassaaq.