Pingasunngormat unnukkut inuinnaat timmisartuat nunatsinni upalungaarsimasunut atortunik nassataqartoq Nuup mittarfianut mippoq. Nassiussat Aalisarnermut, Piniarnermut, Nunalerinermut, Imminut pilersornermut Avatangiisinullu Naalakkersuisup danskillu inuiaqatigiit isumannaatsuunerannut upalungaarsimanermullu ministeriata Torsten Schack Pedersenip ataasinngormat isumaqatigiissutaani immikkoortoq siulliupput.
Isumaqatigiissummi nunatsinni upalungaarsimasunut siunnersuineq, inuttat atortullu ilaapput. Danskit timmisartuanni assartuummi ilaatigut toqqit assersuutigalugu sivisunerusumik sarfaaruttoornermi, tupermi ataatsimi inunnut 24-nut isersimaarfigalugillu ineqarfigineqarsinnaasut ilaatigut ilaapput taamatullu aamma qamutit motoorillit naalakkersuiffiit marluk Beredskabsstyrelsip ilisartartumik sungaartoq aappaluuartumik qalipaatillit.
Pingasunngormat unnukkut inuinnaat timmisartuat nunatsinni upalungaarsimasunut atortunik nassataqartoq Nuup mittarfianut mippoq. Nassiussat Aalisarnermut, Piniarnermut, Nunalerinermut, Imminut pilersornermut Avatangiisinullu Naalakkersuisup danskillu inuiaqatigiit isumannaatsuunerannut upalungaarsimanermullu ministeriata Torsten Schack Pedersenip ataasinngormat isumaqatigiissutaani immikkoortoq siulliupput.
Isumaqatigiissummi nunatsinni upalungaarsimasunut siunnersuineq, inuttat atortullu ilaapput. Danskit timmisartuanni assartuummi ilaatigut toqqit assersuutigalugu sivisunerusumik sarfaaruttoornermi, tupermi ataatsimi inunnut 24-nut isersimaarfigalugillu ineqarfigineqarsinnaasut ilaatigut ilaapput taamatullu aamma qamutit motoorillit naalakkersuiffiit marluk Beredskabsstyrelsip ilisartartumik sungaartoq aappaluuartumik qalipaatillit.
Beredskabsstyrelsip qamutai motorillit sungaartoq aappaluuartumik qalipaatillit ilisariuminartut Nuummi mittarfimmi timmisartumit anninneqartut.
Assi: Beredskabsstyrelsen
Isumaqatigiissummittaaq ajornartoornermi sarfaliutit qulit ilaatinneqarput, taakkuli nassiussanut siullernut ilaanngillat.
- Iluatsitsinerliorneruvoq, sarfaliutilli aatsaat nassiussanut tullernut ilaassapput, inuiaqatigiit isumannaatsuunerannut upalungaarsimanermullu ministereqarfimmi tusagassiortunut pigaartoq, sarfaliutit sapaatip unnuaani sarfaaruttoornersuarmi atorneqarsimanersut pillugu Sermitsiap ministereqafimmut saaffiginninneranut atatillugu nassuiaavoq.
Ilinniartitaaneq sungiusarnerlu
Taakku saniatigut ilaatigut upalungaarsimasut pisortaat attaveqarnermullu officeri pilersaarusiornermi suleqatigiinnermilu ilaasussat danskit ilapittuutigaat. Tamatuma saniatigut kalaallit sulisut atortussanik atuinermik ilinniartinneqarlutillu sungiusarneqassapput.
Beredskabsstyrelsimit atortut maanna Nuummi Qatserisartut Sermersuumi inissinneqarput, innuttaasullu unnuk kulturisiorfimmi atortunik takuniaapput.
Beredskabsstyrelsip atortuutai inuttaalu Nuummi qatserutaasivimmut inissinneqartut.
Assi: Beredskabsstyrelsen
Atortussat inuttallu saniatigut ajornartoornermi attaveqarnermik siunnersuineq, attaveqaatinik pingaarutilinnik isumakkeerinninneq mobilimillu toqqammaveqartumik aarlerisaarutip S!RENENip, maanna ukiualunni Danmarkimi atorneqareersup atulersinnera Danmarkimik isumaqatigiissummut ilaatinneqarput.
- Kalaallit Nunaani ingerlalluartunik upalungaarsimasoqarpugut, maannalu danskit oqartussaasuinit tapersersorneqarluta upalungaarsimasut naammassinnissinnaassusiannik annertusaaneq pitsaasorujussuuvoq. Danmarkimik suleqateqarnikkut nammineq upalungaarsimanermut immikkoortumi akisussaaffitsinnik piginnittuunermillu ajornerulersitsinata ilisimasanik, siunnersuinernik atortuutinillu ilapittuutissanik periarfissaqalerpugut. Naalakkersuisut sinnerlugit Danmarkip nunatsinni upalungaarsimanermik tapersersuinera iluarisimaaripput erseqqissarumavara, naalakkersuisoq Peter Borg oqarpoq.
