POLITIIT ULLORMUT NALUNAARUTAAT

Uummannap allakkeriviani ikiaroornartoq nassaarineqartoq

Kalaallit Nunaanni Politiit ullup ataatsip ingerlanerani arlalinnik, sumiiffinni assigiinngitsuni, suliaqarput. Aasianni imigassanik aalakoornartunik tillinniartoqarsimanera suliat ilagaat.

Uummannami ikiaroornartoq 900 grammit sinnerlugit oqimaassuseqartoq allakkerivimmi nassaarineqarsimavoq. Aasianni pisiniarfiit ilaannut angut inuusuttoq imigassanik tillinniartoq tigusarineqarsimavoq.

Assi: Oscar Scott Carl

Masauna Peary Masauna Peary Journalist

Saqqummersinneqarpoq 8. Juuli 2026 - 10:32

Kalaallit Nunaanni Politiit nunatsinni imigassartortoqarsimatillugu eqqissiviilliornernut ornigunnerit saniatigut, Uummannap allakkeriviani allagaq pasinartumik imaqartoq aamma Aasianni pisiniarfiit ilaannut imigassamik tillinniartoqarneranik suliaqarput.

Uummannap allakkeriviani allagaq pasinartumik imaqartoq pillugu politiit nalunaarfigineqarput ippassaq marlunngornermi nalunaaqutaq 09:35. Tassani ikiaroornartoq allakkatigut nassiunneqarsimasoq 900 gram sinnerlugu oqimaassuseqartoq nassaarineqarsimalluni.

- Inummik pasisaqarpugut, sulili tigusaqarnata. Suliamut misissuinerput ingerlateqqissavarput, Aputsiaq Hansen, Politiit pigaartuisa pisortaat Sermitsiamut oqarpoq.

Ussassaarut

Aasianni imigassamik tillinniarneq

Aasianni pisiniarfiit ilaannut pingasunngornerup unnuaani nalunaaqutaq 02:10 tillinniartoqartoq politiit nalunaarfigineqarput. Tillinniatutut pasineqartoq angumerineqarsimavoq tigusarineqarlunilu, imigassanik aalakoornartunik tillissimasoq.

- Tillinniartutut pasineqartup siornatigut pinerluutigisarsimasai eqqarsaatigalugit qanoq pineqassanersoq misissorparput, Aputsiaq Hansen oqarpoq.

Angutip inersimasup Aasianni pisiniarfiit ilaannut tillinniarnermini nivaataq igalaanut aserorterinerminut atorsimagaa ilanngullugu Aputsiaq Hansen paasissutissiivoq