Nunanut allanut naalakkersuisoq Vivian Motzfeldt aamma nunanut allanut ministeri Lars Løkke Rasmussen USA-mi præsidentip tullersortaanik J.D. Vancemik nunanullu allanut ministerimik Marco Rubiomik ullut 15-it matuma siorna ataatsimeeqateqarmata suleqatigiissitaq pilersinneqarpoq.
Pilersinneqarneraniit sapaatip-akunneri marluk qaangiutiinnartullu suleqatigiissitaq ataatsimiimmat nunanut allanut naalakkersuisoq nuannaarpoq.
Nunanut allanut naalakkersuisoq Vivian Motzfeldt aamma nunanut allanut ministeri Lars Løkke Rasmussen USA-mi præsidentip tullersortaanik J.D. Vancemik nunanullu allanut ministerimik Marco Rubiomik ullut 15-it matuma siorna ataatsimeeqateqarmata suleqatigiissitaq pilersinneqarpoq.
Pilersinneqarneraniit sapaatip-akunneri marluk qaangiutiinnartullu suleqatigiissitaq ataatsimiimmat nunanut allanut naalakkersuisoq nuannaarpoq.
- Assorujussuaq nuannaarutigivara
isumaqatigiinnitsinninngaanniit sulinerup aallartinneranut piffissap sivikitsuaqqap
iluani ingerlammata, taakkua qanoq pimoorussisoqartigineranik aamma
takutitsipput, Vivian Motzfeldt Sermitsiamut taama oqarpoq.
Ataatsimiinnermi suleqatigiissitap pilersinneqarnerani isumaqatigiissutaasut malillugit isumaqatigiinniarnerit uterfigineqarsimasut nunanut allanut ministerip Lars Løkke Rasmussenip siusinnerusukkut oqaatigaa. Vivian Motzfeldt Løkkep oqaaseqarneranut ilaliivoq.
- Suli
pissutsit kissaatigisatsitut naammassinngillat, kisianni sulineq aallartippoq, Motzfeldt oqarpoq.
Saniani suli nipiliortoqassajunnarsivoq
Suleqatigiissitap pilersinneqarnerata kingorna USA-p nunatsinnik tiguaaniarnera siorasaarutigineqarnikuuvoq. Nunatsinnik persarinninneq unikkallassagunanngitsoq naalakkersuisup erseqqissaatigaa.
- Innuttaasunut oqaatigerusutara
taannaavoq, atorfilittat iluanni oqaloqatigiinnerit taakkua ingerlanneqartut,
saniani nipiliortut taakkua ingerlarusaassajunnarsipput, naluara, kisianni
pingaarnerpaatut oqaatigerusuppara nunat akornanni oqaloqatigiinnerit taakku
aqqutit pilersinneqartut, taakkua ukkatarissagigut, aammalu neriuuteqarfigissagipput
ajunngitsumik naammassisaqarfiussasut, Vivian Motzfeldt oqarpoq.
Suleqatigiissitami nunarput sinnerlugu ataatsimeeqataasut pingasuupput, Danmarkimit aallartitat aamma pingasuusut. Taakkua qaqugu ataatsimeeqqinnissaat suli ullulerneqanngilaq, illuatungeriilli naapeqqinnissartik isumaqatigiissutigereerpaat. Suleqatigiissitap arlaleriarluni suli ataatsimiinnissaa naalakkersuisup naatsorsuutigaa, taakkulu naalakkersuisup isumalluarfigai.
- Uanga toqqissillunga sinittaleqqippunga, taamaammat oqaatigeqqikkusuppara neriulluarneq taanna, aammalu suleqatigiissitami atorfilittat suliamik aallartitsinerat taanna pitsaasumik neriulluarfigissagipput aamma oqaloqatigiinneq inoqatinut attaveqaatitigut piunnaarluni kiisami qanimut toqqarluta ataatsimiissinnaaleratta neriuuteqartitsivoq, Vivian Motzfeldt naggasiivoq.
