Kalaallit umiarsuaatileqatigiiffii aasaanerani Atlantikup avannaani nunat tamalaat imartaanni avaleraasartoorniarunnaarsimapput. Kalaallit Nunaata 2026-mi avaleraasartuunik pisassiissutai siorna 37.502 tonsiusimasut ukioq manna 20.376 tonsiupput.
Pisassiissutit annikikkaluartut umiarsuaatileqatigiiffiit 2026-mi iluanaarluarsimapput. Avaleraasartuut, ingerlatseqatigiiffinnit Savalimmiunut tulaanneqartut, akiisa aatsaat taama qaffasitsiginerat tamatumunnga pissutaavoq.
Kalaallit umiarsuaatileqatigiiffii aasaanerani Atlantikup avannaani nunat tamalaat imartaanni avaleraasartoorniarunnaarsimapput. Kalaallit Nunaata 2026-mi avaleraasartuunik pisassiissutai siorna 37.502 tonsiusimasut ukioq manna 20.376 tonsiupput.
Pisassiissutit annikikkaluartut umiarsuaatileqatigiiffiit 2026-mi iluanaarluarsimapput. Avaleraasartuut, ingerlatseqatigiiffinnit Savalimmiunut tulaanneqartut, akiisa aatsaat taama qaffasitsiginerat tamatumunnga pissutaavoq.
Avaleraasartuut nunatsinni aalisarnermi ukiorpassuarni aalisakkat pingaarnerit ilagaat. Kalaallit Nunaata avaleraasartoortassiissutai 2025-mut sanilliullugu 2026-mi 48 procentimik ikilineqarput. Pisassiissutit aatsaat taama appasitsigaat. Akerlianik aalisariutaatileqatigiiffiit pisaminnik tuniniaanermikkut isertitaqarluartarput.
Sikuaq Trawl
Umiarsuaatileqatigiiffiit sisamat Polar Pelagic, Polar Seafood Greenland, Pelagic Greenland aamma Sikuaq Trawl naatsorsuinerat naapertorlugu 2026 avaleraasartoorniarnermi aatsaat taama angusarissaarfiutigissaaq.
Umiarsuaatileqatigiiffiit aappaagu 2026-mut naatsorsuutitik saqqummiuppatigit tamanna miserratigineqarsinnaassanngilaq.
- Angallammi Svend C-mi inuttavut pikkorissorsuupput, avaleraasartoortassiissutit piffissami sivikitsumi tamakkerlugit aalisariaramikkit akinik pitsaasunik pissarsiffigaat, Sikuaq Trawlimi kilisaatinut ataqatigiissaarisoq Jákup Emil Hansen Sermitsiamut oqarpoq.
Aalisariutip pilersaarutai naapertorlugit raajartassiissutit sinneri aamma qaqinneqapallassasut Sikuaq Trawlimi naatsorsuutigaat.
- Taamaammat Svend C. oktobarimi novembarimilu Kitaani saarullittassiissutinik aalisarneqarsimanngitsunik agguaassinermut atatillugu saarullinnik pisasseeqqinneqassasoq neriuutigaarput. Pisassiissutit tamakkerneqannginnerat pissutigalugu nunatta karsia aalisarnermi akitsuutinit naleqangaartunit isertitaqarunnaarpat Svend C sooq talittarfimmiiginnassanersoq paasisinnaanngilarput, taanna oqarpoq.
Svend C avaleraasartoortassanik 3.900 tonsinik ukioq manna pisassinneqarpoq.
Royal Greenland
Royal Greenland Pelagic Greenlandimi amerlanerussuteqarluni piginneqataavoq, islandimiullu suliffeqarfiutaat Íséfelag Vestmannaeyja ikinnerussuteqarluni piginneqataasuuvoq. Pelagic Greenland aalisariut Tasiilaq 3.900 tonsinik pisassinneqarsimasoq aalisariutigalugu avaleraasartoorniarpoq.
- Makrelinik aalisarneq ukioq manna pitsaasimavoq, soorlu aamma 2025 ukioq pitsaasuusimasoq. Kisianni makrelinik aalisarneq piffissaq sivisunerusoq eqqarsaatigalugu isigineqassaaq. Ukiuni arlalinni isertitat annikinnerujussuusimapput, kiisalu piffissamut pisassiissutit suli apparnissaat naatsorsuutigineqartumut ingerlaartussaavugut, Royal Greenlandimi trawlerinut pisortaq Andrias Olsen oqarpoq.
Foto: Jan Dagø/Scanpix
- Avaleraasartoorniarneq ukioq manna ingerlalluarpoq, soorluttaaq 2025-mi ingerlalluarsimasoq. Kisianni avaleraasartoorniarneq piffissamut sivisunerusumut isigisariaqarparput. Isertitat ukiuni arlalinni annikitsuararsuusimapput, tamatumalu saniatigut pisassiissutit suli appariartornissaat ilimagineqarpoq.
- Aalisarneq allanngorartuarpoq, aalisakkallu amerlassusaat, akii isertitallu ukiumiit ukiumut allanngorarsinnaapput. Siunissaq ungasinnerusoq eqqarsaatigalugu patajaatsunik naleqalersitsisumillu avaleraasartoorniarnissamut aamma tunngavissaqarnersoq uagutsinnut pingaaruteqarluinnarpoq, Royal Greenlandimi Kilisaateqarfimmi pisortaq Andrias Olsen Sermitsiamut oqarpoq.
Polar Pelagic aalisariutit Polar Amaroq aamma Polar Ammassak atorlugit avaleraasartoorniarsimavoq, Polar Seafood Greenlandilu aalisariummik Polar Princessimik aalisarsimalluni. Aalisariutit taakku marluk katillutik 7.800 tonsingajannik pisassinneqarsimapput.
Polar Seafood Greenland Polar Pelagic-imi amerlanerussuteqarluni piginneqataasuuvoq, Islandimilu suliffeqarfik Sildavinslan, suliffeqarfissuarmut Samherji-mut ilaasoq, ikinnerussuteqarluni piginneqataasuuvoq.
Polar Seafood Greenland aalisarneq pillugu oqaaseqaqqullugu qinnuigisimagaluarparput, akissuteqarfigineqanngilarli.
Uumassusilililerisut pisassiissutit ikilisarneqarnissaannik siunnersuuteqartut
Nunat tamalaat imarsiornermik misissuinermut siunnersuisooqatigiivisa, ICES-ip, uumassusilililerisuisa Atlantikup avannaani avaleraasartoortassiissutit 2026-mi 174.000 tonsinit annertunerussanngitsut inassutigisimavaat. Tamanna 2025-mi inassuteqaatinut sanilliullugu 71 procentimik appariaataavoq.
Ukiorpassuarni aalisarpallaartoqareersoq taamaaliortoqarpoq. Avaleraasartooqassuseq 2025-mi uumassusililerinermi killigititaasut ataanniittoq, taamaalillunilu avaleraasartuunik tunisassiorneq apparneqartoq siunnersuisoqatigiit nalunaarusiaminni allapput.
Savalimmiut, Islandi, Tuluit Nunaat Norgelu 2026-mi pisassiissutigineqartut tamarmiusut 2025-mut sanilliullugit 48 procentimik ikilisinniarlugit isumaqatigiissuteqarput.
Kalaallit Nunaata pisassiissutai ukiorpassuarni isumaqatigiissummi pisassiissutigineqartut annertunerpaaffiata 6,5 procentianut naleqqussarneqarsimapput, ukiorlu manna pisassiissutit eqqaaneqareersutut 48 procentimik ikilisinneqarput.
Kalaallit Nunaat Atlantikup Avannaani avaleraasartoorniarnikinnerpaavoq. Nunatta saniatigut Tuluit Nunaat, Norge, Savalimmiut, Island aamma nunat EU-mi ilaasortat Danmark, Frankrigi Irlandilu avaleraasartoorniartarput. Rusland nunat tamalaat imartaanni aamma avaleraasartoorniartarpoq.
Norgemi aalisakkanik tunisassiortut pingaarnertut kiilumut tunisassiallu annertussusaat iluanaarutigisarpaat. Pisassiissutit ikiliartortillugit aalisarnermik ingerlatseqatigiiffiit tunisat avammut tunineqarnerisa akiisa assigiinngissuteqarnerunissaat pisariaqartippaat. Norgemi aalisarnermut tunngasunik tusagassiisartoq Fiskeribladet.no taama allaaserisaqarpoq.
Naak pisassiissutit siornamut sanilliullugu ikinnerugaluartut avaleraasartoorlu kiilumut akileraarutigineqartartoq annikinnerugaluartoq, nunami tunisassiorfiit arlallit naammaginartumik aningaasarsiortarput, tusagassiorfik allappoq.
Atuagassiaq Fiskeribladet naapertorlugu avammut tunisat akilerneqarluarnerpaat Kangianiipput, pingaartumik Japanimi, Koreami Kujallermi neriniartarfinnilu.
Naak 2025-p affaani siullermi avaleraasartuunik piumasaqarneq Europami USA-milu annertugaluaqisoq, aggustimi Norgemiut umiarsuaatileqatigiiffiisa avaleraasartoortaasa pingajorarterutaat marluk Kangianut tunineqarput.
Norgemiut ukioq manna avaleraasartoortassiissutaat 81.000 tonsiupput. Norskit aalisariutaat avaleraasartuunik 156.000 tonsinik siorna pisaqarput. Norskit aalisariutaat ukiuni qulini kingullerni ukiumut katillugit 217.500 tonsinik pisaqartarput, Fiskeribladet allappoq.
