KL

DK

Amaroq umiarsuarnik sikusiummik aatsitassanik ujaasinermi tapertaasussamik aningaasaliivoq

Canadamiut ingerlatseqatigiiffiat Amaroq, Nalunami kuultisiorfimmi piiaanissamut akuersissutaateqartoq Kujataanilu kanngussammik aatsitassanillu pingaarutilinnik misissuinissamut arlalitsigut akuersissutaatittoq, sikusiut Thorbjørn misissuinermi tapertaasussaq piffissami qaninnermi pisiaraa.

Sakkutuut sikusiutaat Thorbjørn Nordane Shippingimut 2015-imi tunineqarpoq, Canadamiullu aatsitassarsiornermik ingerlatseqatigiiffiannit Amaroq Ltd.-imit, Kujataani akuersissutinik piginnittunit ukioq manna juunimi pisiarineqarpoq.
Trine Juncher Jørgensen Tusagassiortoq / Tusagassiortoq
Saqqummersinneqarpoq

Canadamiut aatsitassarsioqatigiiffiat Amaroq Ltd. Nalunami kuultisiorfimmi piiaanissamut akuersissutaateqartoq sumiiffimmilu allanik misissuinissamut akuersissutinik peqartoq ingerlalluarpoq.

Ingerlatseqatigiiffiup ingerlatseqatigiiffik Suliaq siorna pilersippaa, taanna aatsitassarsiornermik suliaqartunik kiffartuussinermik pilersuinermillu tapertaassaaq. Illersornissaqarfiullu sikusiutaa Thorbjørn piffissami qaninnermi pisiaraa, taannalu assartuinermi 2028-miit atorneqartalissaaq. Sikusiut maanna Svendborgimi umiarsualivimmi uninngavoq. Tamanna ingerlatseqatigiiffimmit børsimi nalunaarutaanni atuarneqarsinnaavoq.

Canadamiut aatsitassarsioqatigiiffiat Amaroq Ltd. Nalunami kuultisiorfimmi piiaanissamut akuersissutaateqartoq sumiiffimmilu allanik misissuinissamut akuersissutinik peqartoq ingerlalluarpoq.

Ingerlatseqatigiiffiup ingerlatseqatigiiffik Suliaq siorna pilersippaa, taanna aatsitassarsiornermik suliaqartunik kiffartuussinermik pilersuinermillu tapertaassaaq. Illersornissaqarfiullu sikusiutaa Thorbjørn piffissami qaninnermi pisiaraa, taannalu assartuinermi 2028-miit atorneqartalissaaq. Sikusiut maanna Svendborgimi umiarsualivimmi uninngavoq. Tamanna ingerlatseqatigiiffimmit børsimi nalunaarutaanni atuarneqarsinnaavoq.

Kuulti suli annertunerusoq

Kuulti 8.985 ouncenik annertussusilik 2026-mi ukiup affaani siullermi, agguaqatigiissillugu akuiaavimmi akunnermut 19,8 gramimik kuulteqarnerusoq, tamannalu ilimagisanut naapertuuttoq, Amaroq allappoq. Ingerlatseqatigiiffik nangilluni allappoq: "Kuultisiorfik nutaaq atulersinneqartillugu ingerlatsinerlu annertusiartortillugu naatsorsuutigineqarpoq kuultisiorfiup maanna atuuttup 50-70 procentimik angusaqartarneranit 90-95 procentimik angusaqarsinnaasoq.“

Aammattaaq Nunarsarmi akuersissutigineqartumi Iluani aatsitassanik qaqutigoortunik qillerineq juunimi aallartippoq.

Nalunami kuultisiorneq nukittuumik inissisimasoq, tamatumalu saniatigut suliffeqarfik akuersissutaateqarfigisamini allani ilaatigut aatsitassanik qaqutigoortunik misissuinera neriulluarnartoq ingerlatiinnassallugu, ingerlatseqatigiiffiup pisortaa islandimiu Eldur Olafsson børsimi nalunaarummi oqarpoq.

– Nalunami 2026-mi ukiup affaani siullermi tunisassiorneq, naatsorsuutigineqartumit nalinginnaasumit qaffasinnerusoq nalunaarutigisinnaagakku nuannaarutigeqaara. Ineriartornermi uppernarsarneqarpoq anguniakkatsinnik angusaqarnissamut suli nukittuutut ukioq manna inissisimanerput. Tamatuma saniatigut flotationssystemi naammassillutigu juunimi 2026-mi aallartipparput, tamannalu aatsitassarsiorfiup ingerlatsisinnaaneranut piiaasinnaaneranullu annertuumik siuariarneruvoq. Tamanna pissutigalungu misissuisarnivut ingerlatiinnassavavut; 2026-mi qillerinerit maannamut aatsaat taama annertutigisut aallartippavut, aatsitassat qaqutigoortut Ilua Pegmatite qillerlugit. Aamma Inglefield Landimi Minturn-projekterput ingerlalluartipparput kiisalu siunissami kuultisiorfissatsinni Nanumi, uani sapaatip akunnerani qillerinerit aallartipput, Eldur Olafsson oqarpoq.

Amarumi pisortaq Eldur Olafsson suliffeqarfiup kuultisiorfiutaanut sumiiffimmilu ujaasinissamut allani akuersissutinut tunngatillugu isumalluarpoq.




Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

amaroq minerals aatsitassarsiorneq inuussutissarsiutit sikusiut thorbjørn nalunaq kuulti

Atorfiit tamaasa takukkit

PODCASTI

Powered by Labrador CMS