Assartuinermut akit qaffannerisigut sanaartorneq akisunerulerpoq

Naatsorsueqqissaartarfiup sanaartornermut aningaasartuutit naatsorsuiffiannut kisitsisit nutaat piffissami kingullermi saqqummiuppai, tassani Kalaallit Nunaanni inissialiornerup qanoq aningaasartuuteqarfigineqarnera naatsorsorneqarpoq.

Kisitsisit takutippaat juulip aallaqqaataani ukiup ataatsip ingerlanerani 4,8 procentimik qaffassimasoq.

Naatsorsueqqissaartarfiup paasissutissiissutigaa assartuinermi akit qaffakkiartornerat aningaasartuutinik annertusisitsisoq:

– Qaffariaat pingaartumik assartuinermi aningaasartuutinik, ukiup ingerlanerani 16,6 pct.-imik qaffassimasunik, tunngaveqarpoq, atortussianullu aningaasartuutit 0,8 pct.-imik qaffassimasut akissarsianut aningaasartuutit 3,4 pct.-imik qaffassimapput, Naatsorsueqqissaartarfik allappoq.

Takussutissaq ataaniittoq najoqqutassiaq naapertorlugu inissiat amerlassusaat pillugit paasissutissanik imalik tassaavoq "Inissiat tamarmik“, aammali ilaqutariit illuutaannut inissiallu quleriinnik arlalinnik initalinnut immikkoortunik kisitsisitaqarpoq.