Mads
Petersenip timmisartortitseqatigiiffimmik sakkortuumik isornartorsiuinera
Sermitsiap Greenland Airportsimut saqqummiuppaa. Greenland Airportsip
isornartorsiuineq aviisimut akissuteqarnermini akerlilerpaa.
“Greenland Airportsip dronenik ingerlatsinermik unammillerniarnera imaluunniit
namminersortut suliffeqarfiutaannik akornusersuiniarnera eqqunngitsuullunilu
paatsuuinernit tunngaveqarpoq,” Greenland Airports allappoq nangillunilu:
Mads
Petersenip timmisartortitseqatigiiffimmik sakkortuumik isornartorsiuinera
Sermitsiap Greenland Airportsimut saqqummiuppaa. Greenland Airportsip
isornartorsiuineq aviisimut akissuteqarnermini akerlilerpaa.
“Greenland Airportsip dronenik ingerlatsinermik unammillerniarnera imaluunniit
namminersortut suliffeqarfiutaannik akornusersuiniarnera eqqunngitsuullunilu
paatsuuinernit tunngaveqarpoq,” Greenland Airports allappoq nangillunilu:
” Greenland Airports dronenik
ingerlatsinermik niuernikkut soqutigisaqaranilu dronenik qanorluunniit
ingerlatsinissamik pilersaaruteqanngilaq. Suliffeqarfiit namminersortut
sunnguamilluunniit unammillerneqaratillu akornusersorneqanngillat.
Kangerlussuarmi
dronenit atorneqarsinnaasut mittarfiup silaannartaani nakkutigineqartumiipput,
inatsisillu atuuttut naapertorlugit atorneqassapput.
Angallannermut
Aqutsisoqarfik dronenik niuernikkut timmisartuussinissamut, ilaatigut
killilersuiffinnik atuinissamut, akuersissuteqartarpoq, Greenland Airportsilu
sumiiffimmi aqutsisuullunilu, isumannaallisaanermik qulakkeerisarlunilu atuisut
tamarmik malittarisassanik malinninnissamik qulakkeerinnittuuvoq.
Sumiiffik
arlaannaanilluunniit kisermaassilluni oqartussaaffigineqanngilaq, aamma
kisermaassilluni akuersissuteqartoqanngisaannarpoq.
Timmisartortitseqatigiiffiit
tamarmik assigiimmik pineqartarput, Greenland Airportsimilu dronenik
ingerlatsisut arlallit – ilaatigut UAS Denmark Odensemeersoq aamma Arctic
Unmanned Vejlep eqqaani Egtvedimeersoq – misileraanerit isumannaatsumik,
suliamut tunngatillugu piginnaasaqarluartumik naapertuilluartumillu
ingerlanneqarnissaat qulakkeerniarlugu suleqatigineqarput.”
AFIS-imut
nuunnissaq taamaatinneqartoq
”Greenland
Airports piffissami sivisuumi mittarfimmik atuisut
isumaqatigiissuteqarfigalugit timmisartuussinermik aqutsineq ATC-mit AFIS-imut
allanngortinniarlugu sulisimavoq, tamatumalu malitsigisaanik angallannermut aqutsisoqarfiup dronenik
silaannakkut angallassinissamut akuersissutaanik allannguinissaq
allaffissornikkut pisariaqarsimavoq. Kangerlussuulli timmisartuussinermik
aqutsisoqartuaannarnissaa qaammatip ataatsip missaata matuma siorna
aalajangerneqarpoq, taamaammallu allaffissornikkut suliaqarneq unitsinneqarpoq,
tamannalu mittarfimmik atuisunut nalunaarutigineqarpoq. Tassa dronenik
silaannakkut angallassineq imaluunniit atornissaanut piumasaqaatit
allanngunngillat.
Taamaammat
Greenland Airportsip namminersortut killilersorniarlugit
akerlilersuiniarlugilluunniit iliuuseqarsimanngitsoq iliuuseqarniarlunilu
pilersaaruteqanngitsoq erseqqissaatigissavarput. Akerlianilli Kangerlussuarmi
timmisartunik angallannermik aqutsisut qanorluunniit ittumik atugaqaraluarpata,
dronemik silaannakkut angallassinerup akornuserneqarani
ingerlaannarsinnaanissaa qulakkeerniarlugu sulissuteqarpugut.
Oqaatigineqartut
eqqunngitsuupput, sulilu pingaarnerpaatipparput: ingerlatsisunut tamanut
toqqissisimanartunik, naapertuilluartunik assigiinngitsunillu
atugassarititaasunik pilersitsinissaq, taamatuttaarlu Kangerlussuup Mittarfiata
isumannaatsumik akisussaassuseqartumillu ingerlatinneqarnissaa, Greenland
Airports Mads Petersenip isornartorsiuinera pillugu oqaaseqaammini taama
naggasiivoq.
