Greenland Airportsip ukiumoortumik nalunaarusiaani kukkunerit arlallit – professorip aqutsisut isornartorsiorpai

Aqutsisut nalunaarusiaanni kisitsisit pingaarnerit nikingasumik allaatigineqarput, aningaasat kukkusumik katiterneqarsimapput inuillu pillugit paasissutissat kukkupput. Greenland Airportsip ukiumoortumik nalunaarusiaani kukkunerit allat Sermitsiamit qulaarpagut. Tuaviuussisimaneq imaluunniit pipallassimaneq, naatsorsueqqissaartartoq naliliivoq.

Siulersuisuni siulittaasoq Jens Wittrup Willumsen aamma pisortaanerusimasoq Jens Lauridsen 2025-mi immikkut ittumik ataatsimeersuarnermi assilineqartut. Taakkuali ukiumoortumik nalunaarusiaat naapertorlugu nalinginnaasumik ataatsimeersuarneruvoq.
Saqqummersinneqarpoq

Sermitsiap Greenland Airportsip ukiumoortumik nalunaarusiaanik misissuinerani kukkussutigineqartut qulit paasineqarput. Taakku 2025-mut ukiumoortumik nalunaarusianut pingasunut, ataatsimeersuarnermi kingullermi 2026-mi juunip 19-ianni akuerineqartumi, agguataarsimapput.

Kukkunerit ilaat kisitsisitigut kukkunerupput, kukkunerillu annersaat milliardilikkaanik naleqarpoq. Kukkunerit allat kisitsisinut tunngassuteqanngillat naatsorsuuserinermillu ilisimasaqanngikkaluaraanniluunniit paasineqarsinnaapput.

Sermitsiap Greenland Airportsip ukiumoortumik nalunaarusiaanik misissuinerani kukkussutigineqartut qulit paasineqarput. Taakku 2025-mut ukiumoortumik nalunaarusianut pingasunut, ataatsimeersuarnermi kingullermi 2026-mi juunip 19-ianni akuerineqartumi, agguataarsimapput.

Kukkunerit ilaat kisitsisitigut kukkunerupput, kukkunerillu annersaat milliardilikkaanik naleqarpoq. Kukkunerit allat kisitsisinut tunngassuteqanngillat naatsorsuuserinermillu ilisimasaqanngikkaluaraanniluunniit paasineqarsinnaapput.

Kukkunerit taakku Aarhus Universitetimi suliffeqarfinnik aqutsinermut ilisimatusarfimmi avataaneersut naatsorsuuserinerat pillugu professorimut Frank Frank Thinggaardimut saqqummiunneqarput. Kukkunerit amerlanersaat aqutsisut nalunaarusiaanni takuneqarsinnaapput, tassanilu aqutsisut ukiup ingerlanerani kisitsisit pisullu namminneq oqaatsitik atorlugit nassuiaatigaat.

– Isumaga naapertorlugu aqutsisut nalunaarusiaannit Sermitsiap pissarsiarisimasaanit, suliap suliarineqarnerata kingornalu nakkutilliinerup peqqissaarunneqarpallaarsimannginnera erserpoq, professori oqarpoq.

- Assersuutigalugu aqutsisut nalunaarusiaanni kisitsisit saqqummiunneqartut ukiumoortumik naatsorsuutinut naapertuutinngilluinnarnerat, ilaatigut pingaarnertut ingerlatsinermi nalikillinnginnermi angusat – aamma kukkusumik nalikillinnginnermi angusattut allaatigineqartut, tupigusuutigaara, taanna oqarpoq.

Kisitsisit pineqartut 133,2 millioniupput, taakkuli 313,2 millioniusussaagaluarput. Tassa kisitsisit siulliit marluk kukkusumik allanneqarsimapput, taamaalillutillu 180 millioninik nikingasitsilerput.

Kisitsisit allat suli eqqunngitsuupput: Mittarfissat nutaat nalikillitinneqarneri 285 millioniunerarneqarput. Eqqortumilli 2,9 milliardit missaanniipput.

Ingerlatseqatigiiffiup ikinnerussuteqartut soqutigisaat pillugit saqqumiussinera Frank Thinggaardip aamma isornartorsiorpaa. Greenland Airports Internationalimi danskit naalagaaffiata piginneqataassutaa pineqarpoq, tassani naalagaaffiup suliffeqarfissuup pingajorarterutaa pigaa:

- Aqutsisut suliffeqarfissuup nammineq aningaasaataasa ineriartornerat pillugu allaaserisaminni minnerussuteqartut soqutigisaat 80 millionit koruuninik qaffassimasut, namminerli aningaasaatini 808 millionit koruuninik appariarsimasut takuneqarsinnaanera aamma maluginiarneqarsinnaavoq, professori oqarpoq.

Allatut oqaatigalugu aqutsisut naalagaaffiup piginneqataanera uffa appariaateqangaatsiartoq annertusiartortutut isikkoqalersinniarpaat.

Kukkunerit assigiinngitsut

Kukkunerit taakkuinnaanngillat. Ingerlatseqatigiiffiup piginnittuata ukiumoortumik nalunaarusiaani Nuummi Ilulissanilu mittarfiit qanoq aningaasalersorneqarsimanerannik takussutissaqarpoq. Tassanittaaq Qaqortumi mittarfittaamut aningaasat immikkoortinneqarsimasut takussutissiamiittut 1 milliardinik koruuninik annertuallaartumik allassimavoq.

Suliffeqarfiup immikkoortortaqarfiani Greenland Airports Internationalimi siulersuisuni siulittaasuusimasoq Kjeld Zacho Jørgensen Royal Greenlandimi siulersuisuni siulittaasutut taaneqarpoq. Akerlianilli siulittaasup tulliusimasoq Niels Thomsen pillugu paasissutissat kukkusut allassimarpasipput.

Greenland Airports Internationalip ukiumoortumik nalunaarusiaata pitsaassusaata qulakkeerneqarsimannginneranut assersuut. Allassimasut naapertorlugit kisitsisit kingulliit 132 millionit koruuninik inerneqartussaapput. Kisikkaannili 140 millioniupput.(Assi toorlugu allisiguk).

Kukkuneq alla tassaavoq ataatsimeersuarneq 2025-mi septembarip qulingani pisimasoq immikkut ittumik ataatsimeersuarnerugaluartoq nalinginnaasumik ataatsimeersuarnertut allassimasoq.

Greenland Airportsimi qullersat kukkusoqarsimasoq nalunngilaat. Inuit arlaqanngitsut allakkat naqqani atsiorlutik allassimasut namminneq najuullutilluunniit siulersuisunut ilaasortatut nutaatut qinerneqarput. Taamaakkaluartoq kukkussutit nalunaarusiaq 2026-mi nalinginnaasumik ataatsimeersuarnermi akuerineqarmat suli allassimapput.

- Nikingassutit taakku paasissallugit naatsorsuusiornermi ilisimasaqangaartariaqanngilaq. Aamma aqutsisuni. Taamaammat naatsorsuutit suliarineqarnerat tuaviuussaavallaarsimasoq imaluunniit pipallataavallaartoq isumaqarpunga, Frank Thinggaard naliliivoq.

Kukkunerit taakku Sermitsiap siusinnerusukkut allaaserisaanut, qanittukkullu Inatsisartut kukkunersiuinermut ataatsimiititaliaata isornartorsiugaanut, ilanngunneqarput. Kukkunerit allattorsimaffiat paasisani atuarsinnaavat.

Greenland Airports-imi kukkunerit nutaat 10-t nassaarineqartut

Kukkunerit matumani allassimasut ingerlatseqatigiiffiup Greenland Airportsip ukiumoortumik nalunaarusiaani pingasuniipput. Kukkunerit paasineqartut pinngitsoorsimasariaqaraluartut Ingerlatseqatigiiffiup nassuerutigaa, taakkualu arlaannaataluunniit kukkunera akerlilinngilaat. Kukkussutilli qulit amerlanersaat aqutsisut nalunaarusiaanniipput, kisiannili normu 6 aamma 10 naatsorsuutit immikkoortuiniipput.

Ingerlatseqatigiiffik pigissittuusoq Mittarfeqarfiit A/S

Annikilliliinerit nalikilliliinerillu sioqqullugit sinneqartoorutit 133,2 millionit koruuniusutut allaqqapput. Taakku 313,2 millionit koruuniupput. Professor Frank Thinggaard naapertorlugu taaguutaa aamma eqqunngitsumik allanneqarsimavoq.

Ukioq taanna nalikilliliinerit 285 millionit koruuniusutut allanneqarput. 2,924 millionit koruuniupput.

Nalunaarusiaq naapertorlugu danskit naalagaaffiata piginneqataassutai 80 millionit koruuninik qaffassimapput. Taakku 808 millioninik apparput.

Nuummi Ilulissanilu mittarfiit aningaasalersorneqarnerannut missingersuutit nalunaarsorsimaffianni 1 milliardit koruuninik amerlanerupput. Namminersorlutik Oqartussat 2,4 milliardit koruuninik tapiissuteqarput, taakkunanngalu Qaqortumi mittarfimmut aningaasaliissutigineqartut 1 milliardit koruuniupput.

2025-mi septembarip qulingani ataatsimeersuarneq, siulersuisut tamarmiusut taarserneqarnerat, "nalinginnaasumik" ataatsimeersuarnertut taaneqarpoq. Immikkut ittumik ataatsimeersuarneruvoq.

Allagartaq naapertorlugu taamanikkut pisortaaneq Jens Lauridsen 2024-mi ingerlatseqatigiiffimmit piginnittumit (2,73 millionit koruunit) akissarsitinneqarsimasoq suliffeqarfissuup ingerlatseqatigiiffiinit tamanit (2,50 millionit koruunit) akissarsiaqarneruvoq. Tamanna ajornarpoq.

Piginneqatigiilluni ingerlatseqatigiiffik Greenland Airports International A/S

Nalunaarusiaq naapertorlugu Nuummi mittarfissamut nutaamut sanaartornermut aningaasat 132 millionit koruunit 2025-mi naatsorsorneqarsimapput. Immikkoortut sisamat aningaasanik agguaassiffiusut katillugit 140 millionit koruuninik naleqarput.

Siulersuisuni siulittaasuusimasoq Kjeld Zacho Jørgensen siulittaasup tulliusimasup Niels Thomsenip sinniisuuffigisimasaasa ilaannik sinniisuuffeqartutut allassimavoq.

Piginneqatigiilluni ingerlatseqatigiiffik Greenland Airports Regional A/S

Jens Lauridsen 2025-mi septembarip qulingata tungaanut siulersuisuni ilaasortaasoq allassimavoq. Quppernermi tassanerpiaq 2025-mi maajip 29-ani tunuarsimasoq allassimavoq.

2024-mi “piffissami sivisuumi taarsersugassat” aningaasat ingerlaarnerannut naatsorsuummi 10,4 millionit koruuninik ilaneqarsimapput, soorlulusooq akiliutit taakkua aningaasanik ilassuteqartut. Taamaanngilaq.

Taavami qanoq ililluni kukkunerit akuerineqarsinnaappat?

Sermitsiap saqqummiussinermut atatillugu Greenland Airportsimi siulersuisuni siulittaasoq Jens Wittrup Willumsen apersorumallugu qinnuigaa.

Sermitsiap inuussutissarsiortutut ukiumoortumik nalunaarusiaq ajortoqartoq paasinagu qanoq atuarlugulu atsiorsinnaagaa ilaatigut paaserusuppaa.

Jens Wittrup Willumsenili apersorneqarumanngilaq. Sermitsiaq taarsiullugu aningaasaqarnermut pisortamit Per Stjærnholm Trærupimit allakkatigut akineqarpoq:

– Pitsaassutsimik nakkutilliineq naammaginanngitsoq kukkunerillu paasineqartut pinngitsoortinneqartariaqaraluartut ersarippoq. Greenland Airports siunissami nalunaarusiornerit pitsaassusiat patajaatsuunerallu pitsanngorsarniarlugit, aningaasanut paasissutissanut aamma nalunaarusiamut allassimasunut tunngatillugu, arlalitsigut iliuuseqarpoq, taanna allappoq.

Per Stjærnholm Trærup mittarfeqarfiutileqatigiiffimmi aningaasaqarnermut pisortaavoq.

Siusinnerusukkut nalunaarutigineqartutut piginnaanngorsaasussamik Senior Financial Controllerimik atorfinitsitsinissaq siunertaralugu sulisussarsiorneq aallartinneqarpoq, aningaasaqarnermut pisortaq nangilluni oqarpoq.

– Tamatuma saniatigut suliffeqarfiup iluani ingerlatat nakkutilliinerillu pitsaassutsimik qulakkeerinninneq tamarmiusoq nukittorsarniarlugu siunissamilu assingusunik kukkusoqarsinnaanera annikillisinniarlugu aaqqissugaasumik misissorneqarput, Per Stjærnholm Trærup allappoq.

Siulersuisut suliffeqarfiup iluani kukkunersiuineq, tassa suliffeqarfiup iluani nakkutilliinermik suliaqarneq arlaannaannulluunniit attuumassuteqanngitsoq, qanoq isumaqarfigineraat Sermitsiap aamma apeqqutigaa.

- Naatsorsueqqissaartarneq sukateriffigigaanni manna tikillugu sunniuteqarluarnerusorineqarpoq, aningaasaqarnermut pisortaq, siulersuisut kukkunersiuinermut ataatsimiititaliaanni ilaasortaasoq, oqarpoq.

Aningaasat ingerlaartut nalunaarsornerini kukkunerit annertuut

Allaaserisami matumani kukkunerit qulit nassaarineqartut suliffeqarfissuup 2025-mut naatsorsuutaani aningaasanut ingerlaartunut tunngatillugu kukkunernut Sermitsiamit paasineqareersunut ilanngunneqarput.

Aningaasat qanoq ingerlaarnerannik takutitsisumi aningaasat 400 millionit koruunit aamma 364 millionit koruunit kukkusumik allassimapput.

Tamatuma kingunerisaanik ingerlatsineq ilaatigut aningaasanik isertitsisutut isikkoqarpoq, aningaasalli isertitanit amerlanerusut aningaasartuutaapput.

Professori Frank Thinggaard naapertorlugu Greenland Airports 2024-mut aningaasat ingerlaarnerannik naatsorsuutini aamma kukkorujussuarsimavoq. Tassani 130 millionit koruunit kukkusumik inissinneqarput.

Tamatumani aamma kukkuneq pissutaalluni naatsorsuinermi amigartoorutit eqqunngitsumik iluanaaruteqalersut professori isumaqarpoq.

Sermitsiap Greenland Airportsip kukkunersiuisua aamma oqaaseqartinniaraluarpaa. Tassaavoq Grønlands Revision, ukioq manna Grant Thornton Danmarkimut ilanngutsinneqartoq.

Oqaatigineqareersutut kukkunerit eqqaaneqareersut amerlanersaat aqutsisut nalunaarusiaanniipput. Taanna ingerlatseqatigiiffiup aqutsisuinit akisussaaffigineqarmat kukkunersiuisut kukkunersiorneq ajorpaat. Professorip Frank Thinggaardip oqarneratuut kisitsisit eqqortut naatsorsuutini takuneqarsinnaapput.

Aqutsisulli nalunaarusiaat kukkunersiuisup atuarlugulu isummerfigisussaavaa. Ukiumoortumik nalunaarusiani pingasuni taakkunani Grønlands Revision isumartik naapertorlugu aqutsisut nalunaarusiaat naatsorsuutinut naapertuuttoq allapput.

Taamaammat Grønlands Revisionip kukkussutinut nassaarineqartunut qanoq akisussaaffeqateqartiginerluni nassuerutigisimaneraa Sermitsiap suli paaserusuppaa. Tamannali akineqanngilaq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS