Sulisitsisut ataatsimeersuarnermut Future Greenlandimut maajip 19-iani 20-anilu Nuummi ingerlanneqartussamut peqataasussat allattorsimaffiat tupaallannartumik peqataasussatut nalunaartoqarsimasoq pingasunngornermi nutarterpaat; Trumpip Kalaallit Nunaannut immikkut aallartitaa Jeff Landry, naalagaaffimmi Louisianami guvernøriusoq.
– Paasisakka naapertorlugit Jeff Landryp Kalaallit Nunaata USA-mut ilanngunnissaanut Donald Trump ikiussallugu suli anguniagaraa. Taamaammat iliuusai tamarmik piffissaq ungasinnerusoq eqqarsaatigalugu tamatuminnga anguniagaqarnermut tunngapput, Rasmus Sinding Søndergaard, DIIS-imi USA-p nunanut allanut politikkianik ilisimatusartuuneq, oqarpoq nangillunilu:
Sulisitsisut ataatsimeersuarnermut Future Greenlandimut maajip 19-iani 20-anilu Nuummi ingerlanneqartussamut peqataasussat allattorsimaffiat tupaallannartumik peqataasussatut nalunaartoqarsimasoq pingasunngornermi nutarterpaat; Trumpip Kalaallit Nunaannut immikkut aallartitaa Jeff Landry, naalagaaffimmi Louisianami guvernøriusoq.
– Paasisakka naapertorlugit Jeff Landryp Kalaallit Nunaata USA-mut ilanngunnissaanut Donald Trump ikiussallugu suli anguniagaraa. Taamaammat iliuusai tamarmik piffissaq ungasinnerusoq eqqarsaatigalugu tamatuminnga anguniagaqarnermut tunngapput, Rasmus Sinding Søndergaard, DIIS-imi USA-p nunanut allanut politikkianik ilisimatusartuuneq, oqarpoq nangillunilu:
– Ataatsimeersuarnermut peqataanera USA-p Kalaallit Nunaannut aningaasaliissuteqarsinnaaneranik suleqateqarnissamillu periarfissaqarneranik takutitsinissamut attaveqatigiinnerup nukittorsaataanissaanik siunertaqarpoq.
- Landry Trumpip aqutsisuini oqaluuserineqartartunut Kalaallit Nunaanni Danmarkimilu akuerineqarsinnaanngitsunut tapersersuimmat oqaloqatigisinnaanngilarput, Rasmus Sinding Søndergaard DIIS-imi ilisimatooq oqarpoq.
Assi: DIIS
– Jeff Landryp siusinnerusukkut oqaasii eqqarsaatigalugit, aamma Kalaallit Nunaannik aqutsinissamik anguniagaqarnini pillugu Trumpimut qanittuaraluartoq, tikeraarnerminut siunertai apeqquserneqassasut ilimagisinnaavara, Rasmus Sinding Søndergaard oqarpoq.
Inissisimaffik ajornartorsiutaasoq
Rasmus Sinding Søndergaard naapertorlugu Jeff Landryp immikkut aallartitatut inissisimaffia Danmarkimit Kalaallit Nunaannillu diplomatiikkut arlaatigut mianernarpoq.
– Nuummi konsulateqarnera Danmarkimilu aallartitaqarnera eqqarsaatigalugit sooq immikkut aallartitaqartariaqarpa? Soormi pisortatigoortumik attaveqatigiinneq aqqutigalugu attaveqatigiinnissaq isumagineqassanngila? Jeff Landry taamaalilluni pisortatigoortumik diplomatit aaqqissuussaaneranni ilaanani pisariaqanngitsumik pititsivoq. Trumpip aqutsisuini oqaluuserineqartartunut Kalaallit Nunaanni Danmarkimilu akuerineqarsinnaanngitsunut tapersersuimmat oqaloqatigisinnaanngilarput, Rasmus Sinding Søndergaard oqarpoq.
Kalaallit Nunaanni oqariartuuteqarsinnaasoq
Jeff Landryp ataatsimeersuarnermut Future Greenland-imut peqataaniarluni nalunaarsimanera Amerikap præsidentianit suliassinneqarsimanerminut naapertuuttoq illersornissamut ilisimatusarfimmi lektori Peter Viggo Jakobsen isumaqarpoq.
- TKalaallit Nunaannut tunngatillugu suliamik ingerlatsinissaq Trumpip immikkut aallartitaatut suliassaasa ilagaat. Maannakkullu erfalasup amunissaanut takutinnissaanullu periarfissaqarpoq, taamaammat tamanna pineqarsoraara, Illersornissamut ilisimatusarfimmi lektori Peter Viggo Jakobsen oqarpoq.
Assi: Stine Bidstrup/Scanpix
– Kalaallit Nunaannut tunngatillugu suliamik ingerlatsinissaq Trumpip immikkut aallartitaatut suliassaasa ilagaat. Maannakkullu erfalasup amunissaanut takutinnissaanullu periarfissaqarpoq, taamaammat tamanna pineqarsoraara. Trumpimi Kalaallit Nunaat aqussinnaajumallugu oqartuartarpoq, maannalu oqariartuuteqarnissaminut periarfissaqalerlunilu tusagassiuutitigut maluginiarneqarpoq, tamannalu atorluarniarsarissagaa pissusissamisoorpoq.
Atorfillit ingerlatsinerat
Tikeraarneq sorsuakkiarineqarnaveersaassasoq Peter Viggo Jakobsen isumaqarpoq.
– Isumaqatiginninniarnerit suleqatigiissitami ingerlanneqartut ingerlalluarpasipput. Atorfillit aqqutigalugit isumaqatigiinniartoqartuaannartillugu torersumik sulisoqarsinnaavoq, tamannalu soqutigaarput. Atorfillit nalinginnaasumik pikkunaatsutut ingerlaannassappata pitsaanerussaaq, Peter Viggo Jakobsen oqarpoq.
