KNI-p qamuteralai nutaat 

Sisimiuni Bifrost Motorsip qamuteralak alla KNI-mut piareersaqqammerpaa. Tamatumuuna Ittoqqortoormiini Pilersuisumut.

Tassani maskiina Lynx Commander Core 900 Ace 2026-meersoq pineqarpoq, KNI/Pilersuisup ilisarnaataatut ittumik immikkut qalipaasersorlugu qalligaq.

Qamuteraat assigiinngitsorpassuarnut atorneqartartut

Qamuteralaat nuna tamakkerlugu assigiinngitsorpassuarnut atorneqartartut KNI-mi pisortaq Jeppe Jensen oqaluttuarpoq.

– Maannakkut nuna tamakkerlugu 34-nik qamuteralaateqarpugut, taakkulu assigiinngitsunit pisiarineqartarput. Qamuteralat assigiinngitsorpassuarnut atorneqartarput – ilaatigut nassiussanik assartuinermut, pisiniarfimmit pisiniarfinnullu nioqqutissanik assartuinermut, qulimiguulinnullu mittarfimmi suliaqarnermut. Tamatuma saniatigut eqqakkanik isumaginninnermut suliassanullu allanut, pinasuartumik patajaatsumillu angallassisinnaanermik pisariqartitsiffiusuni, atorneqartarput.

Nunani avannarlerni tusaamaneqarluartoq

Lynx aallaqqaammut Finlandimi tunisassiarineqartarpoq, maannali Canadami suliffeqarfimmit Bombardier Recreational Productsimit (BRP), Ski-Doop piginnittaanit, pisiarineqarsimavoq.

BRP-p Lynx Finlandimi Rovaniemimi tunisassiorfimmi suli sanasarpaa, tassanilu qamuteralannik nunani avannarlerni pissutsinut tulluartunik sanaartorneq pingaarnerutinneqarpoq, tamannalu Lynx-ip Finlandimi, Sverigemi Norgemilu tusaamaneqarluarneranut peqqutaaqataavoq.

Lynx Commander Core 900 ACE qamuteralaavoq itisuumik aputeqartillugu ungasissumut ingerlasinnaasutut sanaaq. Aammattaaq kalitsisinnaassuseqarluarlunilu orsussamik atuinikinnini, nipikinnini isumannaatsuuninilu pillugit ilisimaneqarpoq.